རྒྱ་གར་ནང་པའི་གནས་ཆེན་བརྒྱད།
སྐད་ཡིག རྫོང་ཁ།
གནས་ཆེན་དེ་ཚུ་གི་སྐོར་ལས་སངས་རྒྱས་ཀྱི་མཛད་པ་བཅུ་གཉིས་ཀྱི་སྐབས་ལུ་བཤད་ཚརཝ་ལས་
ན་ལས་མར་ངོ་སྤྲོད་ཙམ་རེ་ཞུ་གེ།
གནས་ཆེན་བརྒྱད་ཟེར་མི་འདི་ཡང་།
སྐུ་འཁྲུངས་པའི་གནས་ལུམྦི་ནི། སངས་རྒྱས་པའི་གནས་རྡོ་རྗེ་གདན། ཆོས་འཁོར་བསྐོར་བའི་གནས་ཝཱ་རཱ་ཎཱ་སི།
མྱ་ངན་ལས་འདས་པའི་གནས་རྩྭ་མཆོག་གྲོང་དང་བཅས་ཏེ་བཞི་ལུ།
སྐུ་ཚེ་བྱིན་གྱིས་བརླབས་པའི་ཡངས་པ་ཅན།
མུ་སྟེགས་སྟོན་པ་སྡེ་དྲུག་བཏུལ་བའི་གནས་མཉན་ཡོད།
དགེ་འདུན་དབྱེན་ཟླུམ་པའི་གནས་རྒྱལ་པོའི་ཁབ།
ལྷ་ལས་བབས་པའི་གནས་ལྷ་བབས་དང་བཅས་ཏེ་བརྒྱད་ཨིན།
ལུམྦི་ནི།
གནས་ཆེན་འདི་ནང་ལུ་བདག་ཅག་གི་སྟོན་པ་ཤཱཀྱ་ཐུབ་པ་མཆོག
ཡབ་རྒྱལཔོ་ཟས་གཙང་དང་། ཡུམ་སྒྱུ་མ་ལྷ་མཛེས་གཉིས་ཀྱི་སྲས་སྦེ།
ས་ག་ཟླ་བའི་ཚེས་བཅོ་ལྔ་ལུ་སྐུ་འཁྲུངས་ནུག།
གནས་འདི་རྒྱ་གར་དང་བལ་ཡུལ་གཉིས་ཀྱི་ས་མཚམས་སོ་ན་ལི་ལས་ཀི་ལོ་མི་ཀྲར་༢༧་གྱི་ས་ཁར་ཡོད།
ད་རེས་ནངས་པ་ལུམྦི་ནིའི་ས་ཁོངས་འདི་ལུ་རུ་མེནྡྲི་ཟེར་སླབ་ཨིན་པས།
གནས་འདི་གི་མཚན་ལུ་ལུམྦི་ནི་ཟེར་ཞུ་དགོ་མི་འདི་ཡང་སྐྱེད་ཚལ་ལྡུམ་ར་འདི་སྟོན་པ་མཆོག་གི་ཨ་ཞེམོ་ལུམྦི་ནི་ཟེར་མི་འདི་གི་དོན་ལུ་བཟོ་བསྐྲུན་འབད་ཡོདཔ་ལས་བརྟེན་ཏེ།
ས་གནས་དེ་གི་མིང་ལུ་ཡང་ལུམྦི་ནི་ཟེར་བཏགས་གནང་ནུག།
