སྲིན་ཕུ་གུ་རུ་ལྷ་ཁང་གི་ལོ་རྒྱུས།

སྲིན་ཕུ་གུ་རུ་ལྷ་ཁང་གི་ལོ་རྒྱུས་མདོར་བསྡུས།

སྲིན་ཕུ་གུ་རུ་གི་ལྷ་ཁང་འདི་ སྤྱི་ལོ་༡༩༥༠ས་སྟག་གི་ལོ་ལུ་ འབྲུག་རྒྱལ་གཉིས་པ་འཇིག་མེད་དབང་ཕྱུག་གི་གཟིམ་དཔོན་དཔར་འབར་ཟེར་ཞུ་མི་འདི་གིས་བཞེངས་ཡོདཔ་ཨིན་མས། དེ་སྒང་རྡོ་ལས་གྲུབ་པའི་ལྷ་ཁང་གཙོ་བོ་དེ་དང་། རབ་གསལ་ཆུང་ཀུ་གཅིག་ལས་མིན་འདུག དེ་ལས་འོག་གི་བར་ཁང་འདི་དང་། འདི་གི་ཐོག་ཁར་ཡོད་པའི་རབ་གསལ་འཕར་མ༼གཉིས་པམ༽ འདི་དང་གསེར་ཐོག་འདི་ བསྲུང་འཁོར་ཀརྨ་དང་ཁོ་གི་སྤུན་ཆ་ཕུར་པ་གཉིས་དང་ གཡུས་ཁའི་དད་ཅན་མི་སེར་ཚུ་གིས་ སྤྱི་ལོ་༡༩༩༧དང་༡༩༩༨་  བར་ན་བཏགས་བཏགསཔ་ཨིནམ་དང་། དེ་ལས་ལྷ་ཁང་ནང་ཁོངས་ཀྱི་ཐིངས་གཞི་ཨེན་ཏ་འདི་ཡང་མེདཔ་ཤོར་སོངམ་ལས་ སྤྱི་ལོ་༢༠༡༤གི་ལོ་འདི་ནང་ ཁོ་རང་སྤུན་ཆ་གཉིས་དང་མི་སེར་ཚུ་གིས་ཤུགས་པའི་ཨེན་ཏ་བསོར་ཚརཝ་ཅིག་ཨིན་མས། ལྷ་ཁང་གི་གཡས་ཁ་ཐུག་གི་སྤང་ནང་རྡོ་གཅིག་གུར་  གུ་རུ་གི་ཞབས་རྗེས་ཨིན་ཟེར་བའི་ཞབས་རྗེ་གཅིག་ཡང་དོད་རིལ་རིལ་སྦེ་མཇལ་ནི་ཡོདཔ་དང་། གདོང་ཕྱོགས་ཀྱི་ལུངམ་ནང་རྡོ་གཅིག་གུ་ གུ་རུའི་ཆིབས་ཀྱི་ཞབས་རྗེས་ཡང་ཡོད་ཟེར་ཨིན་མས།

རྗེ་མཁན་རིམ་བྱོན་གྱི་ལོ་ཚིགས་གསལ་བའི་རེའུ་མིག

དཔལ་ལྡན་འབྲུག་པའི་བསྟན་པའི་གཏད་རབས་རྗེ་མཁན་རིམ་བྱོན་གྱི་མཚན་དང་ལོ་ཚིགས་གསལ་བའི་རེའུ་མིག་བཞུགས།

༼༡༽ སྐྱབས་རྗེ་གི་གོ་རིམས།༽ ༼༢༽སྐྱབས་རྗེ་གི་མཚན། ༼༣༽འཁྲུངས་ལོ། ༼༤༽འཁྲུངས་ཡུལ། ༼༥༽ཁྲི་ཁར་བྱོན་ནི་དང་དགོངས་ཞུ་གི་ལོ། ༼༦༽ཁྲི་ཁར་བཞུགས་པའི་ལོ་གྲངས། ༼༧༽གཤགས་པའི་ལོ། ༼༨༽དགུང་ལོ་ག་དེམ་ཅིག་བཞུགས་ཡོདཔ།
མཆན། གོང་གི་ཨང་གྲངས་དང་འོག་གི་རེའུ་མིག་ནང་ཡོད་པའི་ཨང་གྲངས་བསྒྲིགས་ནས་བལྟ་དགོ། དེ་ལས་རྗེ་མཁན་རིམ་བྱོན་དང་། སྡེ་སྲིད་རིམ་བྱོན་ཁག་གཉིས་ཀྱི་ལོ་ཚིགས་འདི་ ལྷོ་འབྲུག་ཆོས་འབྱུང་དང་། འབྲུག་ལུགས་བསྟན་རྩིས་གཉིས་ནང་ཡོདཔ་ལས། འདི་ནང་ཡོད་མི་འདི་གཙོ་བོ་ འབྲུག་ལུགས་བསྟན་རྩིས་གཞིར་བཟུང་འབད་དེ་བཀོད་བཀོདཔ་ཨིན། 

༼༡༽	༼༢༽	༼༣༽	༼༤༽	༼༥༽	༼༦༽	༼༧༽	༼༨༽
1	པད་དཀར་འབྱུང་གནས།	༡༦༠༤	ཐིམ་ཕུག་ལྕང་སྒང་ཁ།	༡༦༥༡-༡༦༧༣	༢༡	༡༦༧༢	༦༩
2	བསོད་ནམས་འོད་ཟེར།	༡༦༡༣	སྤུངས་ན་ཁ་དཀར་སྦི་བསེ་ལུང་ནང་།	༡༦༧༣-༡༦༨༩	༡༧	༡༦༨༩	༧༧
3	པད་དཀར་ལྷུན་གྲུབ།	༡༦༤༠	སྤུངས་ན་ཁ་དཀར་སྦི་བསེ་ལུང་བྲག	༡༦༨༩-༡༦༩༧	༨	༡༦༩༩	༦༠
4	དམ་ཆོས་པད་དཀར།	༡༦༣༩	སྤ་རོ་གཟར་ཆེན།	༡༦༩༧-༡༧༠༧	༡༠	༡༧༠༨	༧༠

སྡེ་སྲིད་རིམ་བྱོན་གྱི་ལོ་ཚིགས་གསལ་བའི་རེའུ་མིག

དཔལ་ལྡན་འབྲུག་པའི་སྡེ་སྲིད་ཁྲི་རབས་རིམ་བྱོན་གྱི་ལོ་ཚིགས་གསལ་བའི་རེའུ་མིག

༼༡༽སྡེ་སྲིད་ཀྱི་གོ་རིམས  ༼༢༽སྡེ་སྲིད་ཀྱི་མཚན། ༼༣༽འཁྲུངས་ལོ།  ༼༤༽འཁྲུངས་ཡུལ།  ༼༥༽སྡེ་སྲིད་གཉིས་བྱུང་པའི་སྐབས། ༼༦༽ཁྲི་ཁར་བྱོན་ནི་དང་དགོངས་ཞུ་གི་ལོ།  ༼༧༽ཁྲི་ཁར་བཞུགས་པའི་ལོ་གྲངས། ༼༨༽གཤགས་པའི་ལོ།  ༼༩༽ ལོ་གྲངས་ག་དེམ་ཅིག་བཞུགས་ཡོདཔ།

༼༡༽	༼༢༽	༼༣༽	༼༤༽	༼༥༽	༼༦༽	༼༧༽	༼༨༽	༼༩༽
1	སྡེ་སྲིད་དབུ་མཛད་བསྟན་འཛིན་འབྲུག་རྒྱལ།	༡༥༩༡	དགོན་འོབས་མཚོ།		༡༦༥༡-༡༦༥༦		༡༦༥༦	༦༦
2	ཆོས་རྗེ་ལ་སྔོན་པ་བསྟན་འཛིན་འབྲུག་སྒྲ།	༡༦༠༧	ཀྲོང་ས་མང་སྡེ།		༡༦༥༦-༡༦༦༧	༡༡	༡༦༦༧	༦༡
3	ཆོས་རྒྱལ་མི་འགྱུར་བརྟན་པ།	༡༦༡༣	བོད་སྨིན་འཁྱུད།		༡༦༦༧-༡༦༨༠	༡༣	༡༦༨༠	༦༨
4	བསྟན་འཛིན་རབ་རྒྱས།	༡༦༣༨	རྟ་མགོ		༡༦༨༠-༡༦༩༤	༡༥	༡༦༩༦	༥༩

ལྷོ་ཛམྦུའི་གླིང་གི་ངོ་སྤྲོད་དང་འབྲུག་གི་ཆགས་རབས།

ལྷོ་ཛམྦུའི་གླིང་གི་ངོ་སྤྲོད་དང་འབྲུག་གི་ཆགས་རབས།

ད་ལྟོ་ང་བཅས་ཀྱི་སེམས་ཁ་ལུ་ སའི་གོ་ལ་གོང་ཏོག་རིལ་རིལ་འདི་ ག་ར་ལྷོ་འཛམ་བུའི་གླིང་༼ཛམྦུའི་གླིང༽ཨིནམ་སྦེ་མནོ་བསམ་བཏང་ཞིནམ་ལས་ ཤར་ལུས་འཕགས་པ་ལ་སོགས་པའི་གླིང་གཞན་མི་གསུམ་འདི་ གཞན་ཅིག་ཁར་ཡོད་པའི་མནོ་བསམ་བཏངམ་ཨིན་མས། དེ་འབདཝ་ད་གླིང་བཞི་གི་ནང་གསེས་ཨིན་མི་འཛམ་བུའི་གླིང་ཟེར་མི་འདི་ ཧིན་དུའི་སྔོན་རབས་དང་། གྲུབ་རྩིས་ཀྱི་གཞུང་ལྟར་དུ་འབད་བ་ཅིན། ཤྲི་ལངྐ་ཡན་ཆད། སི་བི་རི་ཡ་མན་ཆད། རྒྱ་ནག་ཚུར་བཅད། ཡུ་རོབ་དང་ཨེ་ཤི་ཡ་གི་ས་མཚམས་ཨུ་རལ་གངས་རི་ཕར་བཅད་ཀྱི་ ཨི་ཤ་ཡ་རྒྱལ་ཁབ་འདི་ཚུ་ལུ་གོ་ནི་ཨིན་མས།[1]

དུས་འཁོར་ནང་ལས་ གླིང་བཞིའམ་དུམ་བུ་བཅུ་གཉིས་ག་ར་ལུ་འཛམ་གླིང་ཆེན་པོ་ཟེར་གསུངས་ཏེ་ཡོད་ནི་འདི་གིས་ སའི་གོ་ལ་ཆ་ཚང་ལུ་འཛམ་བུའི་གླིང་ཟེར་སླབ་རུང་ཁྱད་པར་སྦོམ་ཅིག་རང་མེད།

སངས་རྒྱས་གཤགས་པའི་ཤུལ་གྱི་རྒྱ་གར་ལོ་རྒྱུས།

 སངས་རྒྱས་གཤགས་པའི་ཤུལ་གྱི་རྒྱ་གར་ལོ་རྒྱུས།

ནནྡའི་རྒྱལ་རབས།

སྟོན་པ་བཅོམ་ལྡན་འདས་གཤགས་པའི་སྐབས་སུ་ མ་ག་དྷའི་རྒྱལ་པོ་མ་སྐྱེས་དགྲ་བཞུགས་ཡོད། རྒྱལཔོ་དེ་གི་ཡབ་གཟུགས་ཅན་སྙིང་པོའི་སྐབས་ལས་རང་སངས་རྒྱས་ཀྱི་སྦྱིན་བདག་མཛད་ནི་དེ་གིས་ མ་སྐྱེས་དགྲ་ཁོ་རང་ཡང་སྟོན་པ་ལུ་ཡིད་ཆེས་དང་ སངས་རྒྱས་པའི་ཆོསཔ་ཚུ་ལུ་རྒྱབ་སྐྱོར་མཛད་མི་ཅིག་ཨིནམ་མ་ཚད་། ཁོ་གིས་བུ་བརྒྱུད་ཚུ་གིས་ཡང་དེ་སྦེ་རང་རྒྱབ་སྐྱོར་མཛད་དེ་མི་ལོ་བརྒྱ་ལྷག་ཅིག་བཞུགས་ནུག

 མཽརྱའི་རྒྱལ་རབས།(317-180 BCE)

རྒྱལ་པོའི་རིམ་པ་དང་མཚན།	མཚན་གྱི་སྐད་སྒྱུར།	རྒྱལཔོ་མཛད་པ་དང་དགོངསམ་ཞུ་བའི་ལོ།
ཅནྡྲ་གུཔྟ	ཟླ་བ་སྦས་པ།	317-293 B.C.E
བིནྡུ་སཱ་ར།	ཐིག་ལེ་སྙིང་པོ།	293-268 B.C.E
ཨ་ཤོ་ཀ	མྱ་ངན་མེད།	268-231 B.C.E
བྲྀཧདདྟ།	རྒྱལ་སྲས་ཀུ་ནཱལ།	231-180 B.C.E

ཤར་ཕྱོགས་འཁོར་ལོ་རྩིབས་བརྒྱད་དབང་ལུ་བསྡུ་ཚུལ།

ཆོས་རྗེ་དཔལ་ལྡན་འབྲུག་པ་གིས་ཤར་ཕྱོགས་འཁོར་ལོ་རྩིབས་བརྒྱད་དབང་དུ་བསྡུ་ཚུལ་གྱི་སྐོར།

དེ་ཡང་འོག་གི་དོན་ཚན་བཞིའི་ཐོག་ལས་སྤྱུན་འབུལ་ཞུ་ནི་ཨིན།

༡༽ ཤར་ཕྱོགས་འཁོར་ལོ་རྩིབས་བརྒྱད་ཀྱི་ངོ་སྤྲོད།

༢༽ ཤར་ཕྱོགས་འཁོར་ལོ་རྩིབས་བརྒྱད་དབང་བསྒྱུར་མཛད་དགོ་པའི་རྒྱུ་མཚན།

༣༽ ཤར་ཕྱོགས་འཁོར་ལོ་རྩིབས་བརྒྱད་ ག་གིས་ག་དེ་སྦེ་དབང་བསྒྱུར་མཛད་ཚུལ།

༤༽ ཤར་ཕྱོགས་འཁོར་ལོ་རྩིབས་བརྒྱད་དཔལ་ལྡན་འབྲུག་པ་གིས་དབང་བསྒྱུར་ཏེ་ མི་སེར་ཚུ་ལུ་ཕན་ཐོགས་ག་ཅི་རང་བྱུང་བའི་སྐོར།

ལུང་ནར་ནང་གི་ལོ་རྒྱུས།

ལུང་ནར་ནང་གི་གནས་ ལྷས་ལྡིང་གི་ལོ་རྒྱུས།

ལུང་ནག་ན་གི་གནས་གནས་དེ་ དང་པ་རང་ཞབས་དྲུང་ངག་དབང་རྣམ་རྒྱལ་གྱི་ཕྱག་ཞུ་མི་བྱ་བཏང་པ་པད་དཀར་བཀྲ་ཤིས་མཆོག་གིས་ དུས་རབས་བཅུ་བདུན་པ། སྤྱི་ལོ་གཅིག་སྟོང་དྲུག་བརྒྱ་རེ་བཞི་ལོ་ལུ་ཞབས་ཀྱིས་བཅག་ཡོདཔ་དང་། དེ་ལས་སྤྱི་ལོ་༡༦༦༥ལོ་ལུ་ལོ་གསུམ་ཕྱོགས་གསུམ་གྱི་སྐུ་མཚམས་གནང་སྟེ་ཕྱག་བཏབ་གནང་ཡོད་ཨིན་མས།

བླ་སྤྲུལ་ཁག་གི་ལོ་རྒྱུས།

ཞབས་དྲུང་ཐུགས་སྤྲུལ་བཞི་པ་འཇིགས་མེད་ནོར་བུ།

༈  ཁ་བཞི་ལྷོ་མོན་ལྗོངས་ཀྱི་ཆོས་ཀྱི་རྒྱལ་པོ་ཞབས་དྲུང་ངག་དབང་རྣམ་རྒྱལ་མཆོག་གི་ཐུགས་གསུང་སྐུའི་སྤྲུལ་པ་གསུམ་ལས། ཐུགས་སྤྲུལ་བཞི་པ་ཞབས་དྲུང་འཇིགས་མེད་ནོར་བུ་མཆོག་ནི། རབ་བྱུང་བཅུ་བཞི་པའི་ལྕགས་ཡོས་༼༡༨༣༡༽ལོར་ཤར་ཕྱོགས་སྦྲམ་མེ་རྩེར་སྐུ་འཁྲུངས། གཞོན་ནུའི་དུས་ནས་གཞུང་དུ་གདན་འདྲེན་ཞུས་ཏེ་ཁྲི་འདོན་མཛད།

འབྲུག་རྒྱལ་ལྔ་པའི་མཛད་རྣམ་མདོར་བསྡུས།

སྐད་ཡིག རྫོང་ཁ།

༈        ད་རེས་ འཛམ་བུའི་གླིང་གི་ཡང་ཐོག་ ཧི་མ་ལཱ་ཡའི་རི་རྒྱུད་ཀྱི་ལྟེ་བ། སློབ་དཔོན་པདྨས་བྱིན་གྱིས་བརླབས་ཤིང་། ཞབས་དྲུང་རིན་པོ་ཆེ་གིས་རྗེས་སུ་བཟུང་བའི་གནས་མཆོག་  སྨན་ལྗོངས་འབྲུག་གི་རྒྱལ་ཁབ་འདི་ནང་ལུ་ དབང་ཕྱུག་རྒྱུད་འཛིན་གྱི་རྒྱལ་པོ་རིམ་བྱོན་ཚུ་གིས་རྒྱལ་ཁམས་བདེ་བར་སྐྱོང་ནས་ མི་ལོ་བརྒྱ་དང་ལྔ་དང་། ལྷག་པར་དུ་ བསམ་བཞིན་འགྲོ་བ་སེམས་ཅན་གྱི་དོན་ལུ་བྱོན་པའི་ དཔལ་ མི་དབང་མངའ་བདག་འཇིགས་མེད་རྣམ་རྒྱལ་དབང་ཕྱུག་མཆོག་ སྤྲུལ་པའི་སྐུའི་རྣམ་པ་བཟུང་སྟེ་བྱོན་ཞིནམ་ལས་ ད་རེས་ཀྱི་ཉིནམ་འདི་ལུ་ རང་ལུགས་ལྟར་དུ་འབད་བ་ཅིན་དགུང་གྲངས་༣༢་དང་། ཕྱི་ལུགས་ལྟར་འབད་བ་ཅིན་དགུང་གྲངས་༣༡བཞེས་པའི་སྐུའི་འཁྲུངས་སྐར་དུས་ཆེན་འདི་ནང་ལུ། ང་བཅས་རིག་གཞུང་སློབ་གྲྭའི་གཉེན་ཚན་ག་ར་ མ་བསྐུལ་དང་བླངས་ཀྱི་སྒོ་ལས་ ནཱ་ལུ་བྱོན་གནང་མི་འདི་ལུ་ བུམོ་རང་གི་ཁ་ཐུག་ལས་ དང་པ་རང་བྱོན་པ་ལེགས་སོ་དང་བཀྲ་ཤིས་བདེ་ལེགས་ཞུ་ནི་དང་འབྲེལ་ཏེ། ང་བཅས་རིག་གཞུང་སློབ་གྲྭ་གི་འབྲེལ་ཡོད་སློབ་དཔོན་དང་སློབ་ཕྲུག་ ལས་བྱེད་ཡོངས་ཀྱི་ཁ་ཐུག་ལས་ མངའ་བདག་རྒྱལ་པོའི་འཁྲུངས་སྐར་དུས་ཆེན་བརྩི་སྲུང་ཞུ་ནི་གི་གོ་སྐབས་ འདི་བཟུམ་འཐོབ་མི་འདི་ལུ་ ག་ནི་བ་བཀའ་དྲིན་ཆེ་ཟེར་ཞུ་ནི་ཨིན།

གཏེར་གྱི་ལོ་རྒྱུས།

སྤྱིར་སྟངས་གཏེར་གྱི་ལོ་རྒྱུས།

སྐད་ཡིག རྫོང་ཁ། English

༈ སྤྱིར་སྟངས་ཀྱི་ལོ་རྒྱུས་ལྟར་དུ་འབད་བ་ཅིན་ གཏེར་ཟེར་མི་འདི་ཨྱོན་གུ་རུ་རིན་པོ་ཆེ་གིས་ བོད་གངས་ཅན་གྱི་ལྗོངས་ལུ་དམ་པའི་ཆོས་ཀྱི་འཁོར་ལུ་བསྐོར་བའི་སྐབས་ལུ་ མ་འོངས་པའི་དུས་ངན་པ་འབྱུང་བའི་སྐབས་ལུ་ ཕན་ནི་གི་དོན་ལུ་སྐུ་རྟེན་སྐུ་འདྲ་དང་ཅ་ལ། གསུང་རྟེན་དཔེ་ཆ། ཐུགས་རྟེན་མཆོད་རྟེན་དང་རྡོ་རྗེ་དྲིལ་བུ་ལ་སོགས་པ་ སྐུ་གསུང་ཐུགས་ཀྱི་རྟེན་ ས་རྡོ་རི་བྲག་ཚུ་ནང་ སྦ་སྟེ་བཞག་མི་དེ་ཚུ་ ཤུལ་ལས་ལུང་བསྟན་ཅན་གྱི་གཏེར་སྟོན་པ་ཚུ་གི་བཏོན་མི་གཅིག་ལུ་གོ་དོ་ཡོདཔ་ཨིན།

General history of Ter

Generally, according to the history, the Ter is referred to the concealed treasures such as statues, scriptures and stupas which symbolize the devine body, devine speech and devine mind. And those very things were concealed in the earth, rock and cave by Guru Padmasambhava while he was turning the wheel of Dharma in Tibet to benefit the beings in future when crisis taking place. Later on, those things were revealed by prophesied Tertonpas. So in brief, Ter means revealed treasures which were concealed by Guru Rinpoche for the benefit of all beings in future.

རྒྱལ་རབས་ལ་ཉེ་བར་མཁོ་བའི་ཐ་སྙད་འགའ་ཞིག

གལ་ཆེ་བའི་མིང་ཚིག་ཚུ་གི་ངོ་སྤྲོད་དང་དོགས་དཔྱོད།

སྐད་ཡིག  རྫོང་ཁ།

A.D	Anno Domini (Latin phrase, meaning “in the year of our Lord,” )	ཡི་ཤུ་མ་ཤི་ཀའི་འཁྲུངས་ལོ།
B.C	Before Christ	ཡི་ཤུའི་སྔོན་གྱི་ལོ།
C.E	Common Era	སྤྱི་ལོ།
B.C.E	Before Common Era	སྤྱི་ལོའི་སྔོན་གྱི་ལོ།
Millennium	Thousand Year	སྟོང་ཚོགས། ༼ལོ་ངོ་སྟོང་གཅིག༽
Century	Hundred Year	དུས་རབས། ༼ལོ་ངོ་བརྒྱ།༽
རབ་བྱུང་།	སྤྱི་ལོ་༡༠༢༧ལས་མར་འགོ་བཙུགས་པའི་ལོ་ངོ་དྲུག་ཅུ་རེའི་མིང་།
ཟད་པ།	སྤྱི་ལོ་༡༠༢༦ཡན་ཆད་ཀྱི་ལོ་ངོ་དྲུག་ཅུ་རེའི་མིང་།

༈ བསྟན་རྩིས་འདི་ནང་ལུ་གལ་ཆེ་བའི་མིང་ཚིག་དག་པ་ཅིག་ངོ་སྤྲོད་འབད་དགོ་པའི་གྲལ་ཁ་ལས། དང་པ་རང་ཨེ་ཌི་དང་འབི་སི་(A.D/ B.C) གཉིས་ཀྱི་སྐོར་ལས་ཞུ་བ་ཅིན། ཚིག་འདི་གཉིསཔ་འདི་ལེ་ཊིན་གྱི་ཁ་སྐད་ནང་གི་བསྡུ་ཡིག་ཅིག་ཨིནམ་དང་། དེ་ནང་ལས་ཨེ་ཌི་(A.D) ཟེར་མི་འདི་ལུ་ཨེ་ནོ་ཌོ་མི་ནི་(Anno Domini) ཟེར་ཨིནམ་མ་ཚད། དེ་གི་དོན་འདི་ཡང་། བདག་ཅག་གི་སྟོན་པའི་ལོ་ ཟེར་བའི་དོན་ཨིནམ་དང་། དེ་ཡང་ཆ་ཚང་སྦེ་ཞུ་བ་ཅིན། ཡི་ཤུའི་སྟོན་པ་མ་ཤི་ཀའི་འཁྲུངས་ལོ་ཟེར་བའི་དོན་ཨིན། ("Anno Domini Nostri Jesu Christi") དེ་ལས་འབི་སི་(B.C) ཟེར་མི་འདི་སྟོན་པ་མ་ཤི་ཀའི་སྔོན་གྱི་ལོ་(Before Christ) ཟེར་བའི་དོན་ཨིན།།