སྙན་ངག་གི་འགྲེལ་པ་བཞི།

སྙན་འགྲེལ་ཁ་བཞི་འབྲུག་པའི་དབྱངས་སྙན།

བསམ་གཏན།

ཚང་སྲས་བཞད་པའི་སྒྲ་དབྱངས།  

བསེ་ཚང་བློ་བཟང་དཔལ་ལྡན།

སྙན་ངག་གི་སྤྱི་དོན། 

 ཚེ་ཏན་ཞབས་དྲུང་།

སྙན་འགྲེལ་ཚིག་རྒྱན་རིག་པའི་སྒོ་འབྱེད།

དུང་དཀར་བློ་བཟང་ཕྲིན་ལས།

བོད་མཁས་པས་མཛད་པའི་ མཚུངས་གསལ་གྱི་དཔེར་བརྗོད། སྒྲ་ལྡན་ལྷའི་མཛུམ་ཟེར།

 

༄༅།  །སྙན་ངག་དཔེ་རྒྱན་གསལ་བྱེད་ཀྱི་དཔེར་བརྗོད་སྒྲ་ལྡན་ལྷའི་འཛུམ་ཟེར་ཞེས་བྱ་བ་བཞུགས་སོ།།

རྩ་བ། སློབ་དཔོན་དབྱུག་པ་ཅན།

དཔེར་བརྗོད། བོད་མཁས་དགེ་ལེགས་རྣམ་རྒྱལ།

ཕྱོགས་བསྒྲིགས་པ། བསམ་གཏན།

རྩ་འགྲེལ་དང་རྐང་གྲངས་རྣམས་དཎྜིའི་དགོངས་རྒྱན་ལས་བཤུས།

ན་མོ་ཝཱ་གིནྡྲ་བུདྡྷ་བཛྲཱ་ཡ།

དབྱངས་ཅན་བྱིན་རླབས་ཉི་ཟེར་ཁུ་བས་ཡོངས་སྨིན་བདག་བློ་ཨུཏྤལ་ལའི།།

གེ་སར་སྙིང་པོའི་ཆང་གིས་དགའ་ལྡན་ཁང་བཟང་སྦྲང་རྩིའི་ཁ་ཟས་ཅན།།

ལྷ་བསམ་མངར་བའི་དྲི་བསུང་གིས་བསུས་མགྲོན་དུ་གཉེར་ལ་མི་ངལ་བས།།

དཔེ་དོན་གསལ་བྱེད་ཚིག་གི་འཇུག་པ་མཐའ་དག་ངས་འདིར་རྣམ་པར་ཕྱེ།།

མིང་གཅིག་དོན་མང་ལ་འཇུག་པ།

 

༄༅།  །མིང་གཅིག་དོན་མང་ལ་འཇུག་ཚུལ་བཤད་པ་

བློ་གསལ་མགྲིན་རྒྱན་ཞེས་བྱ་བ་

བཞུགས་སོ།།

 

མཛད་པ་པོ།   དབྱངས་ཅན་གྲུབ་པའི་རྡོ་རྗེ།

དགོས་མཁོ།   སྦྱར་རྒྱན་གྱི་སྐབས།

མཛུབ་བསྣོན་དང་ཕྱོགས་བསྒྲིགས་པ། བསམ་གཏན།

སྤྱི་ལོ། ༢༠༢༣

 

༄༅།  །ན་མོ་མཉྫུ་ཤྲཱི་ཡེ།

ཟག་མེད་མཁྱེན་པའི་ཟེགས་མ་རེར། །ཤེས་བྱའི་དངོས་པོ་ཀུན་གནས་པ།།

འཇམ་དབྱངས་བླ་མའི་ཐུགས་རྗེ་ཡིས། །བླ་ལ་བློ་བཟང་གྲུབ་པར་མཛོད།།

འདི་ན་མིང་གཅིག་དོན་མང་པོར། །འཇུག་པའི་རྣམ་གྲངས་འགའ་ཞིག་ནི།།

རྐྱང་པ་འཕུལ་དང་བརྩེགས་པའི་རིམ། །མ་འཁྲུལ་ཀ་ལིའི་རིམ་པར་སྤེལ།།

གབ་ཚིག་དང་སྐྱོན་སེལ་ཕྱོགས་བསྒྲིགས།

སྙན་ངག་ལེའུ་གསུམ་པ། གབ་ཚིག་དང་སྐྱོན་སེལ་ཕྱོགས་བསྒྲིགས།

འགྲེལ་པ་དང་དཔེར་བརྗོད། བོད་མཁས་དགེ་ལེགས་རྣམ་རྒྱལ།

དཔེར་བརྗོད་འགྲེལ་བཤད། དབྱངས་ཅན་གྲུབ་པའི་རྡོ་རྗེའི་དངོས་སློབ།

ཕྱོགས་བསྒྲིགས་པ། བསམ་གཏན། ༢༠༢༡༩

  ༄༅།  །ཉོན་ཤེས་གཉིས་ཀྱི་སྒྲིབ་པ་དབྱིངས་སུ་དག །བརྩེ་བས་ཡོངས་བསྐུལ་ཆོས་དོན་སྨྲ་བའི་ཕྱིར།།

མང་དུ་ཐོས་པ་ཅན་གྱི་མགྲིན་རྒྱན་དུ། །བཞུགས་པའི་ངག་དབང་ལྷ་མོས་ཤིས་པ་རྩོལ།།

ཞེས་ཤིས་པར་བརྗོད་པའི་ཚིག་གིས་མདུན་བསུས་ནས། གབ་ཚིག་དང་སྐྱོན་སེལ་གཉིས་སྐབས་སུ་འབབ་པའི་བརྗོད་བྱ་དང་། འདི་ཡང་ སྙན་ངག་སྨྲ་བའི་དབང་པོ་རྗེ་བོད་མཁས་པའི་དཎྜིའི་དགོངས་རྒྱན་གཞིར་བཟུང་དང་། གབ་ཚིག་དཔེར་བརྗོད་ཀྱི་འགྲེལ་བཤད་འདི་ཉིད། དབྱངས་ཅན་གྲུབ་པའི་རྡོ་རྗེའི་དངོས་སློབ་མཚན་མི་གསལ་བ་ཞིག་གིས་མཛད་པ་བཅས་ལ། ཁ་སྐོང་ཅུང་ཟད་ཁོ་བོ་རང་ཉིད་ཀྱིས་ཀྱང་བྱས་ནས་ཞུ་བར་བྱ་བ་ཡིན་ནོ།།

སྙན་ངག་ལེའུ་གསུམ་པ་སྒྲ་རྒྱན།

སྙན་ངག་སྒྲའི་རྒྱན་བཤད་པ་ལ་གསུམ་སྟེ། ཟུང་ལྡན་གྱི་རྣམ་གཞག། བྱ་དཀའ་བའི་འཁོར་ལོ་གསུམ། ངེས་པའི་བྱ་དཀའ་བ་གསུམ་བཤད་པའོ།། དང་པོ་ལ་ཡང་མཚན་ཉིད། དབྱེ་བ་མདོར་བསྟན། དཔེར་བརྗོད་ཀྱི་སྒོ་ནས་རྒྱས་བཤད་བཅས་གསུམ་ལས། མཚན་ཉིད་ནི།

ཡི་གེ་ཚོགས་པ་བསྐོར་བ་ནི། །ཟུང་ལྡན་དེ་ཡང་བར་ཆོད་དང་།།

མ་ཆོད་ཆོད་ཅིང་མ་ཆོད་པའོ།།

རྫོང་ཁའི་སྡེབ་སྦྱོར་གྱི་བསྟན་བཅོས།

༄༅།།རྫོང་ཁའི་སྡེབ་སྦྱོར་གྱི་བསྟན་བཅོས་

དགོས་་་འདོད་་་ཀུན་་་འབྱུང་

ཞེས་བྱ་བ་བཞུགས།།

  

བརྗོད་བྱ། སྙན་རྩོམ་གྱི་ལམ་སྟོན།

རྩོམ་པ་པོ། སློབ་དཔོན་བསམ་གཏན།

སྟག་རྩེ་རིག་གཞུང་མཐོ་རིམ་སློབ་གྲྭ།

སྤྱི་ལོ་༢༠༡༤།

ཆོས་སྐད་སྡེབ་སྦྱོར།

སྤྱི་ཚོགས་རྩོམ་རིག།
༼༢༽༼༡༽༼༢༽༼༡༽༼༢༽        ༼༢༽༼༡༽༼༢༽༼༡༽༼༢༽
ཁྱོད་ལ་ཡང་བྱ་རྒྱུ་ཞིག་མི་འདུག །ང་ལ་ཡང་རེ་བ་འདི་ཟད་དུས།།
གང་ལྟར་ཡང་ང་གཉིས་ཀྱི་མི་ཚེ། །རི་དྭགས་ཀྱི་རྭ་བ་དང་འདྲ་སོང་།།

༈ དེ་ཡང་མི་དམངས་སྤྱི་ཚོགས་ཀྱི་ལག་ལེན་དུ་ཡོད་ཅིང་། བཀའ་དང་བསྟན་བཅོས་ཀྱི་ཁུངས་སུ་མ་འདུས་པའི་རྩོམ་རིག་ཞིག་ལ་སྤྱི་ཚོགས་རྩོམ་རིག་ཅེས་བྱ་བ་ཡིན། རྩོམ་རིག་གི་འགྲོས་ངོ་མ་ཤེས་དགོས་ན་ཧི་མཱ་ལ་ཡའི་མི་བརྒྱུད་རང་གི་སྤྱི་ཚོགས་རྩོམ་རིག་གི་རྩོམ་འགྲོས་གང་འདྲ་ཞིག་ཡོད་མིན་བལྟ་དགོས། རྒྱ་གར་གྱི་བཀའ་བསྟན་དེ་དག་སྐད་རིགས་གཞན་དུ་བརྩམས་པའི་དབང་གིས་རྩོམ་འགྲོས་དེ་ཡང་སྐད་རིགས་གཞན་གྱི་རྩོམ་འགྲོས་སུ་སོང་བ་དང་། བོད་ཀྱི་བསྟན་བཅོས་འདི་དག་ཀྱང་སྐད་རིགས་གཞན་གྱི་ཤན་ཞུགས་འདུག་པའི་དབང་གིས་། དེ་ལ་བརྟེན་ནས་རང་རིགས་ཀྱི་རྩོམ་འགྲོས་གང་འདྲ་ཞིག་ཡོད་པའི་ཚོད་དཔག་བྱེད་མི་ཐུབ། དེར་བརྟེན་ཧི་མཱ་ལ་ཡའི་མི་རྒྱུད་ཀྱི་སྤྱི་ཚོགས་རྩོམ་རིག་གང་འདྲ་ཞིག་ཡིན་མིན་གྱི་ཐད་ལ། རྣམ་རྟོག་སྐྱེ་བའི་ས་བོན་མདོར་བསྡུས་ཙམ་ཞིག་ཞུ་རྒྱུ་ཡིན།

སྡེབ་སྦྱོར་གྱི་སྔོན་འགྲོ།

༈ སྤྱི་ཚོགས་རྩོམ་རིག་ཤེས་པ་ལ་ཐོག་མར་ཚིགས་བཅད་སྡེབ་ལུགས་ཀྱི་སྡེབ་སྦྱོར་ཤེས་དགོས། དེ་ཡང་ལེགས་སྦྱར་གྱི་ཚིགས་བཅད་ལ་སྡེབ་སྦྱོར་ཡོད་པ་ལྟར། ཆོས་སྐད་དང་རང་རེའི་རྫོང་ཁའི་ཚིགས་བཅད་ལའང་སྡེབ་སྦྱོར་ལོགས་སུ་ཡོད། སྡེབ་སྦྱོར་ཞེས་པ་དེ། ཡི་གེའི་དག་ཆ་ལ་གོ་རྒྱུ་མིན་པར། ཚིགས་བཅད་སྒྲིག་པའི་ཚེ། ཚིགས་བཅད་ཀྱི་རྐང་པ་གཅིག་ལ་ཚིག་འབྲུ་ཇི་ཙམ་ཡོད་པ་དང་། ཚིག་འབྲུ་དེ་དག་ཆ་དང་ཡ་གང་འདྲ་ཞིག་སྒྲིག་དགོས་པའི་སྐོར་དེ་ཡིན།

༡དེ་ཡང་ཚིགས་བཅད་གཅིག་ལ་ཚིག་རྐང་གསུམ་ནས་དྲུག་གྱི་བར་དུ་སྒྲིག་ཆོག་པ་ཡིན་ན་ཡང་། ཡོངས་གྲགས་ལྟར་ན་ཚིགས་བཅད་གཅིག་ལ་ཚིག་རྐང་བཞི་ཡིན།

༢དེ་ནས་ཚིག་རྐང་གཅིག་ལ་ཚིག་འབྲུ་ཇི་ཙམ་དགོས་པའི་སྐོར་ནི། རང་རང་སོ་སོའི་བློ་ཡི་ནུས་པ་དང་བསྟུན་ནས། ཚིག་འབྲུ་བཞི་ལས་འགོ་བཙུགས་ཏེ། ཚིག་འབྲུ་སུམ་ཅུ་སོ་གྲངས་ཀྱི་བར་དུ་མང་ཉུང་གང་འདྲ་ཞིག་སྒྲིག་ནའང་སྒྲིག་ཆོག ཡིན་ན་ཡང་ཚིག་རྐང་གཅིག་ལ་ཚིག་འབྲུ་ཇི་ཙམ་ཡོད་པ་དེ། ཚིགས་བཅད་གཅིག་གི་ཚིག་རྐང་གཞན་པ་རྣམས་ལ་ཡང་གཅིག་མཚུངས་ཡོད་དགོས།

༣དེ་ནས་ཚིག་འབྲུ་ཆ་དང་ཡ་ཞེས་པ་འདི་ནི། ཚིགས་བཅད་ཀྱི་སྐབས་སུ་ཚིག་འབྲུ་ཡ་གཅིག་བྱེད་ནས་གཅོད་དགོས་པའི་རིགས་གཅིག་དང་། ཚིག་འབྲུ་ཆ་གཅིག་བྱེད་ནས་གཅོད་དགོས་པའི་རིགས་གཉིས་ཡོད་པ་དེ་དག་ཡིན།

ནང་སྲོལ་རྩོམ་གཞུང་།

༄༅། །ནང་སྲོལ་རྩོམ་གཞུང་འཇིག་རྟེན་ཀུན་ཏུ་དགའ་བའི་ཟློས་གར་ཞེས་བྱ་བ་བཞུགས།།

༄༅། །ཇི་ལྟའི་གནས་ལུགས་མངོན་སུམ་གཟིགས་པས་ཇི་སྙེད་ཆོས་ཀུན་དཔེ་རུ་ཤར།།

ངག་གི་མདུད་པ་རང་སར་གྲོལ་བས་ཟབ་དོན་གདམས་པའི་གླུ་རུ་ལེན།།

དཎྜིའི་མེ་ལོང་སྦྱངས་མྱོང་མེད་ཀྱང་སྙན་ངག་རྒྱལ་པོར་གྱུར་པ་ཡི།།

རྣལ་འབྱོར་དབང་ཕྱུག་མི་ལ་མཆོག་ལ་སྒོ་གསུམ་དད་པས་ཕྱག་བགྱི་འོ།།

བཀའ་དང་བསྟན་བཅོས་ལ་སོགས་རྩོམ་རིག་རྣམས།།

རྩོམ་ལུས་གང་འདྲ་ཞིག་ཏུ་གནས་པའི་ཚུལ།།

ཞིབ་ཕྲའི་སྒོ་ནས་བརྗོད་པར་མི་ནུས་ཀྱང་།།

རགས་པ་ཙམ་ཞིག་འབྲི་བ་བདག་གི་ལས།།


༈ དེ་ཡང་འཛམ་བུའི་གླིང་གི་དངོས་པོ་ཇི་འདྲ་ཞིག་ཡིན་ནའང་ཐོག་མ་ཉིད་ནས་ཡར་ཐོན་ཅན་ཞིག་མིན་པར་འགྲོ་བ་མིའི་སྤྱི་ཚོགས་ཡར་རྒྱས་ཕྱིན་པ་དང་དུས་མཉམ་དུ་རིམ་གྱིས་ཡར་རྒྱས་འགྲོ་བ་ཡིན་ལ། དེ་དང་མཐུན་པར་རྩོམ་རིག་ལ་ཡང་ངག་ཐོག་གི་རྩོམ་རིག་དང་ཡིག་ཐོག་གི་རྩོམ་རིག་གཉིས་ཡོད་པ་ལས། ཡི་གེ་མི་ཤེས་པའི་མི་དམངས་ཀྱི་ཁྲོད་ན་ཡོད་པའི་གླུ་གཞས་ལ་སོགས་པ་ནི་ངག་ཐོག་གི་རྩོམ་རིག་ཡིན་པ་དང་། རྩོམ་རིག་འདི་ནི་དང་པོ་ནས་མཁས་པ་ཞིག་གིས་མཛད་ནས་བཞག་པ་མིན་པར། འགྲོ་བ་མིའི་སྐད་རིགས་ཡར་རྒྱས་འགྲོ་བཞིན་པ་དང་དུས་མཉམ་དུ་བྱུང་བའི་ལུང་པ་རང་རང་སོ་སོའི་ཁྱད་ཆོས་ཤིག་ཡིན།།

སྐད་རིགས་ཡར་རྒྱས་གང་མཚམས་ཕྱིན་པ་ན་ཡི་གེ་བྱུང་བ་དང་། དེ་ནས་བརྡ་སྤྲོད་རིག་པ་བྱུང་བ་ཡིན། དེའང་དཔེར་ན། ནམ་དུས་དབྱར་ཁའི་གཙང་པོ་ནི་སྐབས་རེ་བྲི་བ་དང་སྐབས་རེ་བྲུབ་ནས་འགྱུར་བ་འགྲོ་བའི་དབང་གིས་ཆེ་ཆུང་མཉམ་པར་འབབ་པའི་གོ་སྐབས་ནམ་ཡང་མེད། གཙང་པོ་དེ་དག་ཆུ་རགས་ཀྱིས་བཀག་ཅིང་ཚད་འཛིན་བྱས་ནས་གཏོང་ན། ཆེ་ཆུང་མཉམ་པར་འབབ་ནུས་པ་དང་། ཞིང་པའི་གསོས་སུ་གང་ལ་གང་འདོད་དུ་འདྲེན་ཆོག་པ་ལྟར། མིའི་སྐད་དང་ཡི་གེ་བྱུང་ཟིན་ན་ཡང་ད་དུང་འགྱུར་བ་སྣ་ཚོགས་སུ་འགྱུར་ངེས་ཡིན་པས། གལ་ཏེ་དེ་ལ་བཏང་འཛིན་མ་བྱེད་ན། ཕ་མེས་ཀྱིས་བྲིས་པ་དེ་དག་མི་ཐོག་གཉིས་གསུམ་གྱི་རྗེས་ལ་ཚ་བོ་དག་གིས་གོ་བའི་ངེས་པ་མེད། དེས་ན་སྐད་ཡིག་དེ་དག་གཅིག་མཐུན་དང་འགྱུར་བ་མེད་པར་གནས་པའི་ཆེད་དུ་བརྡ་སྤྲོད་རིག་པའི་ཆུ་རགས་ཀྱིས་བཀག་ནས་ཚོད་འཛིན་གཅིག་བྱེད་ན། ཆོས་དང་རིག་གཞུང་གང་གི་ཞིང་དུ་འདྲེན་ན་ཡང་དེ་དག་རྒྱས་པའི་གསོས་སུ་འགྱུར་ཐུབ་ངེས་ཡིན།།

བརྡ་སྤྲོད་རིག་པ་བྱུང་ཟིན་པ་ནས་བཟུང་སྟེ། དེས་སྟངས་འཛིན་བྱེད་པའི་འཛམ་གླིང་འགྲོ་བ་མིའི་རྣམ་དཔྱོད་ལས་བརྟེན་ནས་བྱུང་བའི་རིག་པའི་གནས་གང་འདྲ་ཞིག་ཡིན་ན་ཡང་རུང་། དེ་དག་ལ་ཡིག་ཐོག་གི་རྩོམ་རིག་ཅེས་བྱ་བ་ཡིན།།

ནང་པའི་རྩོམ་གཞུང་དངོས།

༈ རྩོམ་རིག་ལ་རྒྱ་ཆུང་ས་ནས་བལྟ་ན་སྙན་རྩོམ་དང་འབྲེལ་བ་ཡོད་པ་གཅིག་པུ་ལ་རྩོམ་རིག་ཅེས་བརྗོད་པའི་སྐབས་གཅིག་དང་། རྒྱ་ཆེ་ས་ནས་བལྟ་ན་ཆོས་དང་རིག་གཞུང་གི་རྩོམ་ཡོངས་རྫོགས་ལ་རྩོམ་རིག་ཅེས་བརྗོད་པའི་སྐབས་གཉིས་ཡོད། དེས་ན་ང་ཚོས་རྒྱ་ཆེ་བའི་གོ་བ་དེ་ལེན་ནས་ཆོས་དང་རིག་གཞུང་གི་རྩོམ་ཡོངས་རྫོགས་ལ་རྩོམ་རིག་ཅེས་བཞག་རྒྱུ་དང་། དེ་ལ་ཡང་ལུང་པ་རང་རང་སོ་སོའི་རྩོམ་རིག་ཐ་དད་ཡོད་ཀྱང་། དེ་དག་ནི་རང་ཅག་རྣམས་དང་འབྲེལ་བ་མེད་ལ། རང་ཅག་རྣམས་དང་འབྲེལ་བ་དམ་ཟབ་ཡོད་པ་ནི་ནང་པའི་རྩོམ་རིག་དེ་དག་ཡིན་པས་ན། ནང་པའི་རྩོམ་རིག་དེ་དག་རྩོམ་གྱི་ལུས་གང་འདྲ་ཞིག་ཏུ་གནས་པའི་ཚུལ་ལ་སློབ་སྦྱོང་བྱ་རྒྱུ་ཡིན། ནང་པའི་རྩོམ་གཞུང་དེ་ཡང་རྒྱལ་བའི་བཀའ་དང་། རྗེས་འཇུག་མཁས་པའི་བསྟན་བཅོས། གྲུབ་ཐོབ་རྣམས་ཀྱི་མགུར་མ། སྤྱི་ཚོགས་ཀྱི་རྩོམ་རིག་བཅས་རྣམ་པ་བཞིའི་སྒོ་ནས་ཞུ་རྒྱུ་ཡིན།།

སྙན་ངག་ལེའུ་དང་པོའི་འགྲེལ་པ།

རིག་གནས་སྤྱི་དོན།

མདོ་སྡེ་རྒྱན་ལས། རིག་པའི་གནས་ལྔ་དག་ལ་བརྩོན་པར་མ་བྱས་ན། །འཕགས་མཆོག་གིས་ཀྱང་ཐམས་ཅད་མཁྱེན་ཉིད་འཐོབ་མི་འགྱུར། །དེ་ལྟ་བས་ན་གཞན་དག་ཚར་བཅད་རྗེས་བཟུང་དང་། །བདག་ཉིད་ཀུན་ཤེས་བྱ་ཕྱིར་དེ་ལ་དེར་བརྩོན་བྱ།། ཞེས་གསུངས་པ་ལྟར་ སྒྲ་དང་ཚད་མ། གཟོ་དང་གསོ་བ། ནང་དོན་རིག་པ་སྟེ་ རིག་པའི་གནས་ལྔ་པོ་དག་ལ་ བརྩོན་ཏེ་སྦྱངས་པར་མ་བྱས་ན། ཉན་ཐོས་འཕགས་པ་ མཆོག་ཏུ་གྱུར་པ་རྣམས་ཀྱིས་ཀྱང་ རྣམ་པ་ཐམས་ཅད་མཁྱེན་པའི་ གོ་འཕང་འཐོབ་པར་མི་འགྱུར་བ་ དེ་ལྟ་བས་ན་ ཚིག་གི་འཁྲུལ་པ་ཚར་གཅོད་པའི་ སྒྲ་རིག་པ་དང་། དོན་གྱི་འཁྲུལ་པ་ཚར་གཅོད་པའི་ ཚད་མ་རིག་པ་སྟེ་ ཚར་གཅོད་ཀྱི་རིག་གནས་གཉིས་དང་། འགྲོ་བ་སེམས་ཅན་རྣམས་ཀྱི་ འགལ་རྐྱེན་ནད་རིགས་བསལ་བའི་ གསོ་བ་རིག་པ་དང་། མཐུན་རྐྱེན་འདོད་དོན་བསྒྲུབ་པའི་ བཟོ་རིག་པ་སྟེ་ གདུལ་བྱ་རྗེས་སུ་བཟུང་བའི་ རིག་ནགས་གཉིས། རང་ཉིད་ ཐམས་བཅད་མཁྱེན་པའི་ གོ་འཕང་འཐོབ་པའི་དོན་དུ་ ཀུན་རྫོབ་དང་ དོན་དམ་པའི་གནས་ལུགས་ ཀུན་ཤེས་པར་བྱ་བའི་ཕྱིར་ ནང་དོན་རིག་པ་སྟེ་ རིག་གནས་ཆེ་བ་ལྔ་པོ་ཀུན་ལ་བརྩོན་པར་བྱ་དགོས་པ་མ་ཟད། སྒྲ་རིག་པའི་ནང་གསེས་སུ་གྱུར་པའི་ རིག་གནས་ཆུང་བ་ལྔ་སྟེ། ཚིག་རྒྱན་ལ་ མི་རྨོངས་པའི་ཆེད་དུ་ སྙན་ངག མིང་གི་རྣམ་གྲངས་ལ་ མི་རྨོངས་པའི་ཆེད་དུ་ མངོན་བརྗོད། སྐད་རིགས་ལ་ མི་རྨོངས་པའི་ཆེད་དུ་ ཟློས་གར། ཚིགས་བཅད་བསྒྲིག་པ་ལ་ མི་རྨོངས་པའི་ཆེད་དུ་ སྡེབ་སྦྱོར། གྲངས་ཀྱི་གནས་ལ་ མི་རྨོངས་པའི་ཆེད་དུ་ སྐར་རྩིས་རིག་པ་རྣམས་ལ་ཡང་། སྦྱངས་བརྩོན་བྱ་དགོས་པ་ཡིན་ནོ།།