ལོ་འགོ་འཛིན་ཚུལ།

སྐབས་འདིར་ལོ་འགོ་འཛིན་ཚུལ་དང་འབྲེལ་བའི་རང་ལུགས་འབྲུག་པའི་ལོ་གསར་གྱི་སྐོར་མདོར་བསྡུས་ཙམ་ཞིག་ཞུ་ན།

༡ ལོ་གསར་གྱི་ནང་ནས་དང་ཤོས་ནི། བྱག་འོག་སྐར་མ་ཉ་རུབ་གྱི་ལོ་གསར་བརྩི་སྲོལ་འདི་ཡིན་ལ། འདིའི་སྐར་མ་ཉ་རུབ་ཀྱི་དོན་ནི། སྐར་མ་ཞེས་པ་སྐར་མ་སྨིན་དྲུག་དང་། ཉ་ཞེས་པ་ཚེས་པ་བཅོ་ལྔའི་ཟླ་བ། རུབ་ཅེས་པ་མཉམ་དུ་འཛོམས་པའི་དོན་ཡིན། དེ་ཡང་ཟླ་བ་བཅུ་པའི་ཚེས་པ་བཅོ་ལྔའི་མཚན་མོ་སྐར་མ་སྨིན་དྲུག་དང་ཟླ་བ་གཉིས་མཉམ་དུ་འཛོམས་པས་དེའི་ཉིན་མོ་ནས་ལོ་གསར་བརྩི་བ་ཡིན། ཡིན་ན་ཡང་དོན་ངོ་མ་ནི་དམ་ཆོས་འདུལ་བ་དང་། རྒྱ་གར་གྱི་ལུགས་ལྟར་ཟླ་བ་བཅུ་པའི་ཚེས་པ་བཅོ་ལྔ་དེ་ནས་ལོ་རྫོགས་པ་དང་། དེའི་ཕྱིས་ཉིན་ཚེས་པ་བཅུ་དྲུག་སྟེ། སྨིན་དྲུག་ཟླ་བའི་མར་ངོའི་ཚེས་པ་གཅིག་ནས་ལོ་འགོ་བཙུགས་པ་ཡིན་པས་དེའི་ཤུགས་རྐྱེན་གྱིས་སྐར་མ་ཉ་རུབ་ཀྱི་ལོ་གསར་འདི་བྱུང་བ་ཡིན།

རང་ལུགས་འབྲུག་པའི་ལོ་གསར།

རང་ལུགས་འབྲུག་པའི་ལོ་གསར།

རང་ལུགས་འབྲུག་པའི་ལོ་གསར་གྱི་སྐོར་མདོར་བསྡུས་ཙམ་ཞིག་ཞུ་ན། དེ་ཡང་འབྲུག་ཡུལ་འདིར་ལོ་གསར་བརྩི་སྲོལ་མི་འདྲ་བ་ཁག་བདུན་ཙམ་འདུག་ལ། དེ་ཡང་དང་པ་འདི་སྤ་གྲོ་རྫོང་ཁག་ནང་གི་བྱག་འོག་སྐར་མ་ཉ་རུབ་ཀྱི་ལོ་གསར། གཉིས་པ་ཧཱ་དང་སྤ་གྲོ་ཆུ་ཁ་རྫོང་ཁག་རྣམས་ཀྱི་ལོ་འབག གསུམ་པ་འདི་དབང་འདུས། དར་དཀར། སྤུངས་ན་ཁ། ཐིམ་ཕུ་རྫོང་ཁག་རྣམས་ཀྱི་ཉི་ལོག་གི་ལོ་གསར། བཞི་པ་འདི་ཤར་ཕྱོགས་པའི་བཅུ་གཉིས་པའི་ལོ་གསར། ལྔ་པ་འདི་སྤྱི་ཡོངས་ཀྱི་ཟླ་བ་དང་པའི་ལོ་གསར། དྲུག་པ་འདི་སྐར་རྩིས་ལུགས་ཀྱི་ཟླ་བ་གསུམ་པའི་ལོ་གསར། བདུན་པ་འདི་ལྷོ་མཚམས་ཁག་གི་ད་ཤེ་རའི་ལོ་གསར་དང་བདུན་ནོ།

དི་བ་ལི་གི་དུས་ཆེན།

དི་བ་ལི། ཟེར་མི་འདི་ལུ་ མིང་གཞན་དཱི་པ་བ་ལི་ཟེར་ཡང་སླབ་སྲོལ་ཡོདཔ་ཨིན། དེ་གི་དོན་འདི་ཡང་ དཀར་ཕྱོགས་ཀྱིས་ནག་ཕྱོགས་ལས་རྒྱལ་བའམ། སྒྲོན་མེ་གིས་མུན་པའི་སྨག་རུམ་ལས་རྒྱལ་བ་ཟེར་བའི་དོན་ཨིན། དུས་ཆེན་འདི་ རྒྱ་གར་རྒྱལ་ཡོངས་ཀྱི་ མི་སེར་དང་གཞུང་གི་ལཱ་འབད་མི། དེ་ལས་ཚོང་པ་ལ་སོགས་པ་ག་གིས་ཡང་བརྩི་སྲུང་ཞུ་དོ་ཡོདཔ་ཨིནམ་དང་།

དུས་ཚོད་འདི་དང་འཁྲིལ་ཏེ་ ཚོང་པ་ཚུ་གིས་ཚོང་རིགས་མང་ཤོ་གོང་ཚད་ཆག་ཡངས་ཐོག་ལས་བཙོང་དོ་ཡོདཔ་ལས་ ཚོང་ཉོ་ནི་གི་དང་འདོད་ཡོད་པ་ཅིན་ དུས་ཚོད་འདི་ཁར་ཉོ་བ་ཅིན་ཁེ་ཕན་སྦོམ་ཡོད།
དུས་ཅི་གི་དི་བ་ལི་དུས་ཚོད་འདི་(21-25/10/2014)ཚུན་ཚོད་ཉིནམ་ལྔ་གི་རིང་ལུ་ཨིནམ་དང་། དུས་ཆེན་གྱི་མཆོད་པ་ངོ་མ་འདི་གནམ་གང་གི་ཕྱི་རུ་(23/10/2014)ཉིནམ་འཛུལ་བའི་དུས་ཚོད་དང་འཁྲིལ་ཏེ་ལྷ་མོ་དཔལ་མོ་ལུ་མཆོད་པ་ཕུལ་ཏེ་རྩིས་སྲུང་ཞུཝ་ཨིན། 

ད་ཤེ་ར་གི་དུས་ཆེན།

ཆ་རོགས་ག་ར་ལུ་ རྒྱལ་ཁ་ཐོབ་པའི་ཚེས་བཅུའི་༼  བི་ཇ་ཡ་ ད་ཤ་མི  ༽ ཉིནམ་འདི་ལུ་ བཀྲ་ཤིས་བདེ་ལེགས་དང་། ཨོཾ་མ་ཎི་པདྨེ་ཧཱུྃཿ ཟེར་ཞུ་གེ།

ད་རེས་ཀྱི་ཉིནམ་འདི་ལུ་ ད་ཤཱིན་ དང་ ད་ཤེ་ར། ཟེར་ཁ་སྐད་མ་འདྲཝ་སླབ་སྲོལ་ཡོདཔ་ཨིན་རུ་ འདི་གི་རྗོད་སྒྲ་དག་ཤོས་འདི་ བི་ཇ་ཡ་ད་ཤ་མི་ཟེར་མི་འདི་ཨིན་མས།  འདི་གི་དོན་དག་འདི་ཡང་ཧིན་དུ་ཚུ་གིས་བཤད་སྲོལ་ལྟར་དུ་འབད་བ་ཅིན། ཚེས་དགུ་ལུ་ སྲིན་པོའི་རྒྱལཔོ་ རཱ་བཎ་ཚར་བཅད་ཞིནམ་ལས་ ཚེས་བཅུ་ལུ་ ར་གྷུའི་རིགས་ཀྱི་རྒྱལཔོ་ རཱ་མ་དེ་ སྲིན་ཡུལ་ལངྐ་གི་རྒྱལཔོ་སྦེ་ཁྲི་མངའ་སྲོལ་ཞུ་བའི་ཉིནམ་གཅིག་སྦེ་བརྩི་སྲུང་ཞུ་དོ་ཡོདཔ་ཨིན་མས།[1]

ཁྲུས་བབས་ཀྱི་སྐོར།

༈ ད་རེས་དབྱིན་ཟླ་༩པའི་དབྱིན་ཚེས་༢༣དང་། རང་ལུགས་གནམ་ལོ་ཤིང་ཕོ་རྟ་ལོ་ཟླ་བ་བདུན་པའི་ཚེས་༢༩ གྱི་ཉིནམ་དེ་ ཁྲུས་བབས་ཀྱི་ཉིནམ་ཨིནམ་ལས་དེ་གི་སྐོར་ལས་གསལ་བཤད་མདོར་བསྡུས་ཅིག་ཞུ་ནི་ཨིན།

དེ་ཡང་

༡༽ དང་པ་ དཔྱེ་གཏམ་དང་འབྲེལ་བའི་ལོ་རྒྱུས་དང་།

༢༽ གཉིས་པ་གནམ་རིག་སྐར་རྩིས་དང་འབྲེལ་བའི་ལོ་རྒྱུས།

༣༽ གསུམ་པ་རྒྱ་གར་འཕགས་པའི་ཡུལ་གྱི་སྔར་སྲོལ་ལམ་ལུགས་དང་འབྲེལ་བའི་ལོ་རྒྱུས་དང་བཅས་ཏེ་དོན་ཚན་གསུམ་གྱི་སྒོ་ལས་ཞུ་ནི་ཨིན།

དུས་ཆེན་ལྔ་འཛོམས།

སྐད་རིགས།          རྫོང་ཁ།         སྤྱི་ཚེས་༡༦/༥/༢༠༡༡

ད་རེས་ན་ལུ་བྱོན་མི་གཙུག་ལག་མདོ་ཆེན་གྱིས་དབུ་གཙོས་པའི་སྒྲིག་འཛིན་རྣམ་གཉིས། མཁྱེན་ལྡན་གྱི་ལེགས་སྦྱར་བ་རྣམས་དང་། གཞན་ཡང་ཆོས་གྲོགས་ཕོ་མོ་ཡོངས་ལུ་དང་པ་རང་ངེད་ཀྱི་ཁ་ཐུག་ལས་སྐུ་གཟུགས་བཟངམ་དང་བྱོན་པ་ལེགས་སོ་ཟེར་ཞུཝ་དང་འབྲེལ་ཏེ་དུས་ཆེན་ལྔ་འཛོམས་ཀྱི་སྐོར་ལས་མདོར་བསྡུས་ཅིག་ཞུ་གེ།

དེ་ཡང་ང་བཅས་ར་དཔལ་ལྡན་འབྲུག་པའི་རྒྱལ་ཁབ་འདི་ནང་ལུ་ དང་ཕུག་ཕ་མའི་སྒང་ལས་རང་འབྲུག་ཟླ་བཞི་པ་ས་ག་ཟླ་བའི་ཚེས་༡༥འདི་ དུས་ཆེན་གསུམ་འཛོམས་ཟེར་བརྩི་སྲུང་ཞུཝ་མ་ཚད། དུས་ཆེན་ལྔ་འཛོམས་ཟེར་ཡང་བརྩི་སྲུང་ཞུཝ་ཨིན་ཟེར་ཞུ་ནི་ཨིན། དེ་སྦེ་བརྩི་སྲུང་ཞུ་དགོ་མི་འདི་ཡང་ བཀའ་དྲིན་བླ་ན་མེད་པའི་ བདག་ཅག་གི་སྟོན་པ་ཤ་ཀྱཱ་ཐུབ་པ་མཆོག་གི་ འཁྲུངས་འདས་ལ་སོགས་པའི་དུས་ཚོད་དེ་ཚུ་ག་ར་ ཟླཝ་འདི་ནང་ལུ་ཕོག་ནི་འདི་གིས་ཨིན་མས།