འཇམ་དབྱངས་བསྟོད་པ་གང་བློ་མའི་འགྲེལ་པ།

Click Here

སྲིད་པ་འཁོར་ལོའི་རྣམ་བཤད།

Click Here

བློ་གཏེར་དབང་པོའི་མཛོད་འགྲེལ།

འཇམ་དབྱངས་བློ་གཏེར་དབང་པོའི་མཛོད་འགྲེལ། 

རྩ་འགྲེལ་སྦྱར་བ་དང་། ལྟ་བདེ་བའི་རྩ་མཆན་དང་བཅས་པ།

བསམ་གཏན།

མངོན་པ་མཛོད་ཀྱི་འདས་པའི་ལོ་ཚུ་གི་དྲི་བའི་ལན་བཞུགས།

མངོན་པ་མཛོད་ཀྱི་འདས་པའི་དྲི་བ་ཚུ་ མཛོད་གནས་རེ་རེ་བཞིན་དུ་ཕྱི་བསལ་རྐྱབ་སྟེ་ལན་ཞུ་གེ།

 སྤྱི་དོན་དང་འབྲེལ་བའི་དྲི་བ།

དྲི་བ། སློབ་དཔོན་དབྱིག་གཉེན་གྱི་རྣམ་ཐར་མདོར་བསྡུས་ཅིག་བྲིས།

ལན། སློབ་དཔོན་དབྱིག་གཉེན་འདི་ དུས་རབས་ལྔ་པའི་ནང་ རྒྱ་གར་ནུབ་བྱང་ཕྱོགས་ཀྱི་གྲོང་ཁྱེར་རྡོ་འཇོག་ཟེར་སར་ ཡུམ་གསལ་བའི་ཚུལ་ཁྲིམས་ཟེར་མི་འདི་གི་སྲས་ལུ་འཁྲུངས་ནུག། དུས་ཚོད་དེ་སྒང་ ཕྱོགས་གཅིག་ལས་བལྟ་བ་ཅིན་ སངས་རྒྱས་ཀྱི་བསྟན་པ་བྱང་ལས་བྱང་ལུ་དར་བའི་སྐབས་དང་། ཕྱོགས་གཅིག་ལས་བལྟ་བ་ཅིན་ རྒྱ་གར་ནུབ་བྱང་ཕྱོགས་ལུ་བསྟན་པ་རིམ་གྱིས་ཉམས་པའི་དུས་ཚོད་ཅིག་ཨིན་མས། འདི་འབདཝ་ལས་ སློབ་དཔོན་ཁོ་གི་ཡུམ་འདི་ ཧེ་མ་ཨ་ཎིམ་གཅིག་ཨིན་རུང་ བསྟན་པ་ལུ་ཉམས་ཆགས་བྱུང་མི་འདི་ལུ་ཐུགས་ཀྱིས་མ་བཟོད་པར་ བསྟན་པ་འཛིན་སྐྱོང་འབད་ཚུགས་པའི་བུ་བརྒྱུད་སྤེལ་ནི་གི་སྨོན་ལམ་བཏབ་ཞིནམ་ལས་ འཇིག་རྟེན་སྐྱོང་སྟེ་སྲས་སྐུ་མཆེད་གཉིས་འཁྲུངས་ས་ལས་ སྦོམ་ཤོས་འདི་ འཕགས་པ་ཐོགས་མེད་དང་། ཆུང་ཤོས་འདི་སློབ་དཔོན་དབྱིག་གཉེན་ཨིན་མས། སྲས་གཉིས་ཡུམ་ཆེན་མོ་རང་གི་གཅེས་སྐྱོང་འབད་བའི་ཐ་མར་ སྤུན་ཆ་གཉིས་ཆ་ར་ དམ་པའི་ཆོས་ལུ་བཙུགས་ནུག། ཁོང་གཉིས་སློབ་སྦྱོང་ཧ་ལམ་འབད་ཞིནམ་ལས་ གཅེན་པོ་ཐོགས་མེད་རྒྱ་གར་གཡུས་ཕྱོགས་ལུ་བྱོན་ཏེ་ སེམས་ཙམ་པའི་ལྟ་བ་ལུ་སྦྱངས་བརྩོན་གནང་ཡོདཔ་དང་། གཅུང་པོ་དབྱིག་གཉེན་ཁོ་ར་ བྱང་ཕྱོགས་ཀཥྨིར་ལུ་བྱོན་ཏེ་ ཁ་ཆེ་བྱེ་བྲག་སྨྲ་བའི་གཞུང་ལུ་སློབ་སྦྱོང་གནང་ཡོདཔ་མ་ཚད། མངོན་པ་མཛོད་ཀྱི་གཞུང་འདི་ཡང་ ཀཥྨིར་ལུ་མཛད་ཡོདཔ་ཨིན་མས།

མཛོད་ཀྱི་དྲི་བ་དྲི་ལན།

 ༡༽   ཆོས་མངོན་པའི་དབྱེ་བ། མཚན་ཉིད། ངེས་ཚིག་རྣམས་ལེགས་པར་ཕྱེ་སྟེ་འབྲི་དགོས།

ལན།  ཆོས་མངོན་པའི་དབྱེ་བ་ནི། དོན་དམ་པའི་ཆོས་མངོན་པ་དང་བརྡར་བཏགས་པའི་ཆོས་མངོན་པའོ།

   མཚན་ཉིད་ལ། ༡ དོན་དམ་པའི་ཆོས་མངོན་པའི་མཚན་ཉིད་ནི། ཆོས་ཀྱི་གནས་ལུགས་མངོན་སུམ་དུ་རྟོགས་པའི་ཤེས་རབ་དང་དེའི་འཁོར་དུ་གཏོགས་པའི་སེམས་དང་སེམས་བྱུང་། ༢ བརྡར་བཏགས་པའི་ཆོས་མངོན་པའི་མཚན་ཉིད། དོན་དམ་པའི་ཆོས་མངོན་པའི་རྒྱུར་གྱུར་པའི་ལམ་དང་མངོན་པའི་གཞུང་།    

  ངེས་ཚིག་ནི། མདོ་སྡེ་རྒྱན་ལས། མངོན་དུའི་ཕྱིར་དང་ཡང་ཡང་ཕྱིར། །ཟིལ་མནོན་རྟོགས་ཕྱིར་མངོན་པའི་ཆོས།། ཞེས་གསུངས་པ་ལྟར། ཐར་པ་ལ་མངོན་དུ་ཕྱོགས་པ་དང་། ཡང་ནས་ཡང་དུ་སེམས་པ་དང་། གཞན་ཟིལ་གྱིས་མནོན་པ་དང་། བདག་མེད་པའི་དོན་རྟོགས་པའི་ཕྱིར་ན་ཆོས་མངོན་པ་ཞེས་བརྗོད་པ་ཡིན།

འཕགས་ལམ་ཡན་ལག་བརྒྱད།

༡ཡང་དག་པའི་ལྟ་བ། ༢ཡང་དག་པའི་རྟོག་པ། ༣ཡང་དག་པའི་ངག ༤ཡང་དག་པའི་ལས་ཀྱི་མཐའ། ༥ཡང་དག་པའི་འཚོ་བ། ༦ཡང་དག་པའི་རྩོལ་བ། ༧ཡང་དག་པའི་དྲན་པ། ༨ཡང་དག་པའི་ཏིང་ངེ་འཛིན།

(Eight Fold noble paths- Right view, right thought, right speech, right action, right livelihood, right effort, right mindfulness and right meditative stabilization)

༡༽ ཡང་དག་པའི་ལྟ་བ་འདི་གཞི་ག་ཅི་ལུ་ཡང་སྦྱར་བཏུབ་ཨིན། ད་ལྟོ་ཆོས་དང་འབྲེལ་བའི་གནས་སྟངས་ལུ་སྦྱར་བའི་སྐབས་ལུ། ཀུན་འབྱུང་ལས་བརྟེན་ཏེ་སྡུག་བསྔལ་གྱི་འཁོར་བ་འཁོར་ཚུལ་དང་། ལམ་ལུ་བརྟེན་ཏེ་སྡུག་བསྔལ་འགོག་པའི་ཐར་པ་འཐོབ་ཚུལ་གྱི་བདེན་བཞིའི་གཞི་འབྱམས་ཀྱི་མནོ་བསམ་གཏང་ཐངས་གཅིག་ལུ་ཡང་དག་པའི་ལྟ་བ་ཟེར་གོ་ནི་ཨིན།

ཆོས་བརྒྱུད་ཆེན་པོ་བཞི།

དང་པ་རྙིང་མ་པ།

རྙིང་མ་ཟེར་མི་འདི་དུས་རབས་བརྒྱད་པ་ཆོས་རྒྱལ་ཁྲི་སྲོང་ལྡེ་བཙན་གྱི་དུས་ལུ་ གུ་རུ་རིན་པོ་ཆེ་གིས་གསུངས་པའི་ཆོས་དེ་ཚུ་ ལོ་ཙྰ་བ་ཀ་སྐྱོག་ཞང་གསུམ། ༼ཀ་བ་དཔལ་བརྩེགས། སྐྱོག་རོ་ཀླུའི་རྒྱལ་མཚན། ཞང་ཡེ་ཤེས་སྡེ།༽  ལ་སོགས་པ་ཚུ་གིས་ བསྒྱུར་མི་ཆོས་འདི་ལུ་ གསང་སྔགས་རྙིང་མ་ཟེར་སླབ་ནི་དང་། ཆོས་དེ་ཉམས་ལེན་འབད་མི་དེ་ཚུ་ལུ་རྙིང་མ་པ་ཟེར་སླབ་ཨིན།

རྙིང་མ་ཟེར་མི་འདི་གཙོ་བོ་རང་ གུ་རུ་རིན་པོ་གི་སྐབས་ལུ་བྱུང་པའི་ཆོས་འདི་ལུ་གོ་ནི་ཨིན་རུང་། ཡོངས་གྲགས་འབད་བ་ཅིན། ཆོས་རྒྱལ་སྲོང་བཙན་གྱི་སྐབས་ལས་འགོ་བཙུགས་ཏེ་ བཙན་པོ་གླང་དར་མ་གི་དུས་ཚོད་ཚུན་ཚོད་བྱུང་མི་ཆོས་འདི་ལུ་རྙིང་མ་ཟེར་གོཝ་ཨིན། དེ་གི་རྒྱུ་མཚན་འདི་ཡང་ རྙིང་མ་གསར་མ་ཟེར་མི་འདི་ གསརཔ་དང་རྙིངམ་གྱི་དོན་དག་ཨིནམ་ལས་ སྲོང་བཙན་ལས་འགོ་བཙུགས་ཏེ་བྱུང་པའི་ཆོས་ལུ་རྙིང་མ་དང་། དེ་ལས་གླང་དར་གྱི་སྐབས་ལས་བསྟན་པ་ནུབ། ཤུལ་ལས་ལོ་ཙཱ་བ་རིན་ཆེན་བཟང་པོ་ལ་སོགས་པ་ཚུ་གི་སྐབས་ལུ་ རྒྱ་གར་ལས་གསར་བསྒྱུར་འབད་དེ་བྱུང་མི་ཆོས་དེ་ལུ་གསར་མ་ཟེར་སླབ་ནི་དེ་གིས་ཨིན་པས།

ཐེག་ཆེན་ཐེག་དམན་དང་གསང་སྔགས།

ཐེག་པ་ཟེར་མི་དང་ཆེ་ཆུང་གི་གོ་དོན།

ཐེག་པ་ཟེར་མི་འདི་ ཐར་པའི་གོ་འཕང་འགྱོ་ནི་གི་ལམ་ལུ་གོ་ནི་དང་། ཆེ་ཆུང་ཟེར་མི་འདི་ བསམ་པ་རྒྱ་ཆེ་ཆུང་གི་ཁྱད་པར་ཨིན་པས། ཐེག་དམན་ཟེར་མི་འདི་ བསྟན་པའི་གཏད་རབས་ཚུ་ལས་བརྒྱུད་དེ་འོང་པའི་ཉན་ཐོས་དགེ་སློང་དེ་ཚུ་ཨིན་མས། ཁོང་ལུ་མིང་ཐེག་དམན་ཟེར་མི་འདི་ཧེ་མ་མེདཔ་ཨིན་རུང་། ཤུལ་ལས་ཐེག་ཆེན་དར་བའི་སྐབས་ལུ་ ཐེག་ཆེན་པ་ཚུ་གིས་བཏགས་བཏགསཔ་ཨིན་མས།

ནང་པའི་གྲུབ་མཐའ་བཞི།

ནང་པའི་གྲུབ་མཐའ་བཞི་གི་གོ་དོན།

དང་པ་རང་གྲུབ་མཐའ་ཟེར་མི་འདི་ དངོས་པོའི་གནས་ལུགས་ག་ཅི་ཨིན་མི་འདི་ བསམ་བློ་བཏང་ཞིནམ་ལས་རིགས་པའི་སྒྲུབ། རིགས་པ་དེ་ལས་གྲུབ་མི་འདི་མཐའ་འ་ནེམ་ཅིག་ཨིན་ཟེར་ཐག་བཅད་བཞག་མི་དེ་ལུ་གྲུབ་མཐའ་ཟེར་སླབ་ཨིན།  དེ་ལས་ནང་པའི་གྲུབ་མཐའ་འདི་ལུ་ བྱེ་བྲག་སྨྲ་བ། མདོ་སྡེ་པ། སེམས་ཙམ་པ། དབུ་མ་པ་ཟེར་བཞི་ཡོད།

བཀའ་བསྡུ་རྣམ་གསུམ།

བཀའི་བསྡུ་བ་རྣམ་པ་གསུམ།༼བཀའ་བསྡུ་རྣམ་གསུམ༽

བཀའི་བསྡུ་བཟེར་མི་འདི་ སངས་རྒྱས་ཀྱི་གསུང་ཆོས་དེ་ཚུ་ཡུན་དུ་གནས་ནི་གི་དོན་ལུ་ དགེ་སློང་དང་དགྲ་བཅོམ་པ་ཚུ་ག་ར་འཛོམས་ས་ སངས་རྒྱས་ཀྱི་ཆོས་ག་ཅི་གསུངས་མི་འདི་ ལོག་སྟེ་སྐྱོར་ནི་ལུ་གོ་ནི་ཨིན།

བསྟན་པའི་གཏད་རབས་བདུན།

བསྟན་པའི་གཏད་རབས་བདུན།

བསྟན་པའི་གཏད་རབས་ཟེར་མི་འདི་ སངས་རྒྱས་ཀྱི་སྐུ་ཚབ་རིམ་པར་བྱོན་མི་ཚུ་ལུ་གོ་ནི་ཨིན། དེ་ཡང་སངས་རྒྱས་བཅོམ་ལྡན་འདས་གཤགས་རནམ་ད་ སྟོན་པ་ཁོ་རང་གིས་ ཉན་ཐོས་འོད་སྲུང་ཆེན་པོ་ལུ་ སྟོན་པའི་སྐུ་ཚབ་འབད་དེ་ སངས་རྒྱས་ཀྱི་ཆོས་འདི་འཛིན་སྐྱོང་སྤེལ་གསུམ་མཛད་དགོཔ་སྦེ་གསུངས་ཡོདཔ་ལས། སྐུ་ཚབ་དང་པ་འོད་སྲུང་། དེ་ལས་རིམ་པ་བཞིན་དུ་ཀུན་དགའ་བོ། ཤ་ནའི་གོས་ཅན། ཉེར་སྦས། དྷི་དྷི་ཀ། ནག་པོ། ལེགས་མཐོང་ཚུན་ཚོད་བསྟན་པའི་གཏད་རབས་བདུན་ཡོངས་གྲགས་བཤད་ནི་ཡོད་རུང་ དེ་གི་ཤུལ་ལས་དེ་ཚུ་གསལ་ཁ་ག་ནི་ཡང་མིན་འདུག་ གཅིག་འབད་བ་ཅིན་ ཉན་ཐོས་སྡེ་པ་ལོགས་སུ་གྱེས་ནི་དེ་གིས་ཨིནམ་འོང་ནི་མས།

ཤ་ནའི་གོས་ཅན་དང་ཉི་མ་གུང་པ་གཉིས་ཆ་ར་ཀུན་དགའ་བོའི་སློབ་མ་ཨིན་པའི་ཁར་ ཉིན་མའི་གུང་པ་གིས་ཁ་ཆེའི་གཡུས་ཁར་བསྟན་པ་སྤེལ་ཡོདཔ་ལས་ ཤ་ནའི་གོས་ཅན་གྱི་ཚབ་ལུ་ཉི་མ་གུང་པ་བཙུགས་ཏེ་བདུན་སྦེ་རྩི་ནི་དང་། ཡང་ཅིན་དེ་གཉིས་ཆ་ར་རྩིས་ཏེ་གཏད་རབས་བརྒྱད་སྦེ་ཡང་རྩི་ནི་ཡོད། དེ་བཟུམ་གྱི་གཏད་རབས་བདུན་དང་བརྒྱད་རྩིས་ཚུལ་འདི་ གཞི་ཐམས་ཅད་ཡོད་པར་སྨྲ་བ་ལས་བརྒྱུད་པའི་བོད་ཀྱི་བཤད་སྲོལ་ཨིན།[1]ཤྲི་ལངྐའི་འཕགས་པ་གནས་བརྟན་སྡེ་པའི་བཤད་སྲོལ་ལྟར་དུ་འབད་བ་ཅིན། གཏད་རབས་དང་པ་ཉེ་བར་འཁོར༼ཨུ་པ་ལི༽། དེ་ལས་རིམ་པ་བཞིན་དུ་དཱ་ས་ཀ། སོ་ན་ཀ། སིགྒ་པ། མཽ་གལ་གྱི་བུ་སྐར་རྒྱལ།(MoggaliputraTsisa)བཅས་ལྔ་སྦེ་བཤདཔ་ཨིན་མས།[2]

---

[1]ཏཱ་ར་ནཱ་ཐའི་ཆོས་འབྱུང།  འབྲུག་པའི་ཆོས་འབྱུང་། བུ་སྟོན་ཆོས་འབྱུང་ལ་སོགས་པའི་བོད་ཀྱི་ཆོས་འབྱུང་ཡོད་ཚད།

[2]ཁང་དཀར་སྐལ་བཟང་ཚུལ་ཁྲིམས། དེབ་སྔོན་གསར་མ། ཤོག་གྲངས། ༡༥༤  རྒྱ་པཱན་གངས་ལྗོངས་ནང་རིགས་མཐུན་ཚོགས་དཔར་སྐྲུན། ༢༠༠༧

དམ་པའི་ཆོས།

དམ་པའི་ཆོས།

དམ་པའི་ཆོས་ཀྱི་དོན་དག་ངོ་མ་རང་ སེམས་ཀྱི་སྒྲིབ་པ་ཚུ་གི་གཉེན་པོ་འབད་མི་རྣམ་དཀར་དགེ་བའི་རིགས་སུ་གྱུར་པ་གཅིག་ལུ་གོ་ནི་ཨིན། དེ་ལུ་དབྱེ་བ་ཅིན་ལུང་གི་ཆོས་དང་རྟོགས་པའི་ཆོས་ཟེར་རྣམ་པ་གཉིས་ཡོད། རྟོགས་པའི་ཆོས་ཟེར་མི་འདི་ ཉམས་ལེན་འབད་དེ་རང་གི་རྒྱུད་ལུ་ཤར་མི་ཉམས་དང་རྟོགས་པ་ཚུ་ལུ་གོ་ནི་ཨིན། དེ་ཡང་ཚུར་བསྡུ་བ་ཅིན་འགོག་བདེན་དང་ལམ་བདེན་གཉིས་ལུ་བསྡུཝ་ཨིན། དེ་ལས་ལུང་གི་ཆོས་ཟེར་མི་འདི་ སངས་རྒྱས་ཁོ་རང་གིས་དངོས་ཤུགས་བརྒྱུད་པའི་སྒོ་ལས་གསུངས་པའི་ཆོས་དེ་ཚུ་ཨིན།[1]

སངས་རྒྱས་ཀྱི་མཛད་པ་བཅུ་གཉིས།

སངས་རྒྱས་ཀྱི་མཛད་པ་བཅུ་གཉིས།

༡དགའ་ལྡན་ནས་བྱོན་༢ཡུམ་གྱི་ལྷུམས་སུ་ཞུགས།། ༣འཁྲུངས་ནས་༤རིག་གནས་ཀུན་ལ་མཁས་པར་སྦྱངས།།

༥བཙུན་མོའི་འཁོར་གྱིས་བསྐོར་ཀྱང་༦ངེས་པར་འབྱུང།། ༧ལོ་དྲུག་དཀའ་སྤྱད་༨བྱང་ཆུབ་ཤིང་དྲུང་བྱོན།།

༩ཉོན་མོངས་བདུད་བཏུལ་༡༠མངོན་པར་སངས་རྒྱས་ཤིང་།། ༡༡ཆོས་འཁོར་བསྐོར་ནས་༡༢མི་གནས་མྱ་ངན་འདས།།

རེ་རེའི་ནང་དོན་རྟོག་བཟོ་ཙམ་མིན་པར། །ཆོས་དང་འཇིག་རྟེན་དང་མཐུན་མདོ་ཙམ་འཆད།།

སངས་རྒྱས་ཆོས་ལུགས་དང་འབྲེལ་བའི་རྒྱ་གར་འཕགས་པའི་མི་རིགས།

སངས་རྒྱས་ཆོས་ལུགས་དང་འབྲེལ་བའི་རྒྱ་གར་འཕགས་པའི་མི་རིགས།

རྒྱ་གར་འཕགས་པའི་མི་རིགས་ཀྱི་འབྱུང་ཁུངས་ངོ་མ་འདི་རང་ ཨེ་ཤི་ཡ་དང་ཡུ་རོབ་ས་མཚམས་ཀྱི་ཨུ་རལ་གངས་རི་གི་ལྷོ་ཕྱོགས་ས་གནས་གཅིག་ལས་ཨིན་མས།[4] དེ་གི་མི་རིགས་དེ་ཚུ་ལས་སྡེ་ཚན་གཅིག་ནུབ་ཕྱོགས་ལུ་སོང་སྟེ་ཡུ་རོབ་མི་རིགས་ཀྱི་འབྱུང་ཁུངས་ཆགས་ཡོདཔ་དང་། སྡེ་ཚན་གཅིག་ཤར་ཕྱོགས་ལུ་འོང་སྟེ་ཏུར་ཀིས་ཐཱན་ལུ་གནས་གཞི་ཆགས་ཏེ་དུས་རབས་དག་པ་ཅིག་ལུས། དེ་ལས་ནང་གསེས་སྡེ་ཚན་གཅིག་ལྷོ་ནུབ་ཨི་རན་ཕྱོགས་ལུ་སོང་ཡོདཔ་དང་། ནང་གསེས་སྡེ་ཚན་གཅིག་ཤར་ཕྱོགས་ལུ་འོང་ཏེ་ཨཕ་གྷ་ནིས་ཐཱན་བརྒྱུད་དེ་ པ་ཀིས་ཐཱན་གྱི་པཉྗབ་ཀྱི་གཡུས་ཁར་གནས་གཞི་ཆགས་པའི་དུས་ཚོད་འདི་སྤྱི་ལོའི་གོང་ལོ་༡༥༠༠ཙམ་གཅིག་ལུ་ཨིན་མས།[5]

ཆོས་འཁོར་རིམ་པ་གསུམ།

སྐད་ཡིག རྫོང་ཁ། བློ་གསར་ཚུ་གི་དོན་ལུ་ཨིན།

༈    སངས་རྒྱས་ཀྱི་མཛད་པ་དེ་ཚུ་གི་གྲལ་ལས་མཛད་པ་རྒྱ་ཆོས་ཤོས་དང་བྱིན་རླབས་ཆེ་ཤོས་འདི་ ཆོས་ཀྱི་འཁོར་ལོ་སྐོར་མི་འདི་ཨིན། ཆོས་ཀྱི་འཁོར་ལོ་འདི་ལུ་ བཀའ་ཐོག་མཐའ་བར་གསུམ་ཟེར་ རིམ་པ་མ་འདྲཝ་གསུམ་སྦེ་ཡོད། དེ་ཡང་བཀའ་དང་པ་བདེན་བཞིའི་ཆོས་འཁོར། བཀའ་བར་པ་མཚན་ཉིད་མེད་པའི་ཆོས་འཁོར། བཀའ་མཐའ་མ་ལེགས་པར་རྣམ་པར་ཕྱེ་བའི་ཆོས་འཁོར་ཟེར་མི་དེ་ཚུ་ཨིན།

ཐེག་ཆེན་ཐེག་དམན་གཉིས་ཀྱི་ཁྱད་པར།

ཐེག་ཆེན་ཐེག་དམན་གཉིས་ཀྱི་ཁྱད་པར།

༈ ཐེག་ཆེན་དང་ཐེག་དམན་གཉིས་ལུ་མི་འདྲ་བའི་ཁྱད་པར་གཙོ་བོ་གསུམ་དེ་ཅིག་ཡོད། དེ་ཡང་ཀུན་སློང་སེམས་བསྐྱེད་ཀྱི་ཁྱད་པར། རྒྱུ་ཚོགས་ལམ་གྱི་ཁྱད་པར། འཐོབ་བྱ་འབྲས་བུའི་ཁྱད་པར་དང་བཅས་པ་ཨིན།

དེ་ཡང་ཀུན་སློང་སེམས་བསྐྱེད་ཀྱི་ཁྱད་པར་འདི། ཐེག་དམན་དེ་ཚུ་ ཁམས་གསུམ་འཁོར་བའི་སྡུག་བསྔལ་ལུ་འདྲོག་སྟེ་ དེ་ལས་ཐར་ནི་གི་དོན་ལུ་རང་ཉིད་ཐར་པ་འཐོབ་ནི་གི་བློ་འདོད་བསྐྱེད་ནི་དང་། ཐེག་ཆེན་པ་དེ་ཚུ་ ཁམས་གསུམ་འཁོར་བའི་སྡུག་བསྔལ་མྱོང་མི་སེམས་ཅན་ག་ར་ འཁོར་བ་དེ་ལས་ཐར་བཅུག་ནི་གི་དོན་ལུ་ སངས་རྒྱས་ཀྱི་གོ་འཕང་འཐོབ་ནི་གི་བློ་འདོད་བསྐྱེདཔ་ཨིན། སེམས་བསྐྱེད་དེ་སྦེ་ཨིནམ་ལས་བརྟེན་ཏེ། ཐེག་དམན་གྱི་སེམས་བསྐྱེད་དེ་རྒྱ་ཆུང་ཀུ་དང་ ཐེག་ཆེན་གྱི་སེམས་བསྐྱེད་དེ་རྒྱ་ཆེཝ་ཨིན་མས།

བདེན་བཞི་ཆོས་འཁོར།

བདེན་བཞི་ཆོས་འཁོར།

 ༈    སངས་རྒྱས་ཀྱི་མཛད་པ་དེ་ཚུ་གི་གྲལ་ལས་མཛད་པ་རྒྱ་ཆོས་ཤོས་དང་བྱིན་རླབས་ཆེ་ཤོས་འདི་ ཆོས་ཀྱི་འཁོར་ལོ་སྐོར་མི་འདི་ཨིན། ཆོས་ཀྱི་འཁོར་ལོ་འདི་ལུ་ བཀའ་ཐོག་མཐའ་བར་གསུམ་ཟེར་ རིམ་པ་མ་འདྲཝ་གསུམ་སྦེ་ཡོད། དེ་ཡང་བཀའ་དང་པ་བདེན་བཞིའི་ཆོས་འཁོར། བཀའ་བར་པ་མཚན་ཉིད་མེད་པའི་ཆོས་འཁོར། བཀའ་མཐའ་མ་ལེགས་པར་རྣམ་པར་ཕྱེ་བའི་ཆོས་འཁོར་ཟེར་མི་དེ་ཚུ་ཨིན།

ས་བཅུ་ལམ་ལྔ། ལས་དང་པོ་པ་ཚུ་གི་དོན་ལུ།

བདག་མེད་གཉིས་ཀྱི་སྒོ་ནས་ས་བཅུ་དང་ལམ་ལྔ་བགྲོད་ཚུལ།

 སྐད་ཡིག རྫོང་ཁ།

དེ་ཡང་དོན་ཚན་ལྔ་གི་ཐོག་ལས་ཞུ་གེ།

༡        གང་ཟག་གི་བདག་མེད། ༢        ཆོས་ཀྱི་བདག་མེད། ༣    ལམ་ལྔ། ༤       ས་བཅུ།

༥        ལམ་ལྔ་དང་ས་བཅུ་གཅིག་ཁར་སྦྱར་ཚུལ། ༦       བདག་མེད་གཉིས་ཀྱི་སྒོ་ལས་ས་བཅུ་དང་ལམ་ལྔ་བགྲོད་ཚུལ།

དབུ་མའི་དྲི་བ་དྲི་ལན།

༼དྲི་བ།༽  གང་ཟག་གི་བདག་བཀག་ནས་བདག་མེད་སྒྲུབ་དགོས་པའི་རྒྱུ་མཚན་བྲིས།

༼ལན༽   དེའི་ལན་ལ་གཉིས་ལས་དང་པོ་གང་ཟག་གི་བདག་བཀག་དགོས་པའི་རྒྱུ་མཚན་ནི། བདག་ཡོད་པའི་བསམ་ཚུལ་དེ་ལ་བརྟེན་ནས་བདག་འཛིན་འབྱུང་ཞིང༌། དེ་ལ་བརྟེན་ནས་ཉོན་མོངས་པ་དང༌། སྡུག་བསྔལ་ལ་སོགས་པའི་འཁོར་བའི་སྐྱོན་སྣ་ཚོགས་པ་འདི་དག་བྱུང་བ་ཡིན། དེས་ན་ཉོན་མོངས་དང་སྐྱོན་དེ་དག་གི་འབྱུང་སྒོ་གཙོ་བོ་ནི་བདག་དེ་ཡིན་པར་མཐོང་ནས་ཕྱིན་ཆད་འདི་འདྲ་མི་འབྱུང་བའི་ཆེད་དུ་བདག་དེ་བཀག་དགོས་པ་ཡིན།

  གཉིས་པ་བདག་མེད་སྒྲུབ་དགོས་པའི་རྒྱུ་མཚན་ནི། བདག་མེད་རྟོགས་ན་བདག་འཛིན་མི་འབྱུང་ཞིང༌། བདག་འཛིན་མེད་ན་ལས་དང་ཉོན་མོངས་གསར་པ་མི་བསགས། རྙིང་པ་ཟད་པའི་སྒོ་ནས་འཁོར་བ་ལས་གྲོལ་བའི་ཐར་པ་འཐོབ་པར་འགྱུར་བའི་དགོས་པ་ཡོད་པའི་དབང་གིས་བདག་མེད་སྒྲུབ་པ་ཡིན།  མདོར་དོན་ཡང་སྙིང་འཁོར་བ་སྤང་ནས་ཐར་པ་འཐོབ་པའི་ཆེད་དུ་བདག་དེ་བཀག་ནས་བདག་མེད་སྒྲུབ་པ་ནོ།།

གཉེན་པོ་སྟོབས་བཞི།

འགལ་རྐྱེན་སྡིབ་སྒྲིབ་སྦྱོང་བའི་གཉེན་པོ་སྟོབས་བཞིའི་སྐོར།

སྐད་ཡིག རྫོང་ཁ།
༈ དེ་ཡང་རང་གི་མ་ཤེས་མ་མཐོང་པའི་དབང་གིས་སྡིག་པ་མ་འདྲཝ་ལེ་ཤ་བསགས་ཏེ་ཡོད་རུང་། སྡིག་སྒྲིབ་སྦྱོང་ནི་གི་ཐབས་ཤེས་ཡང་མ་འདྲཝ་ལེ་ཤ་ཡོདཔ་ཨིན། དེ་ཡང་མདོ་མཚན་ཉིད་ཐེག་པའི་ལུགས་ལྟར་དུ་འབད་བ་ཅིན། གཉེན་པོ་སྟོབས་བཞིའི་སྒོ་ལས་སྡིབ་སྒྲིབ་སྦྱོང་ནི་དང་། གསང་སྔགས་རྡོ་རྗེ་ཐེག་པའི་ལུགས་ལྟར་དུ་འབད་བ་ཅིན། སྒྲིབ་སྦྱོང་རྡོར་སེམས་ཀྱི་བསྒོམ་ཟླས་ཀྱི་སྒོ་ལས་སྡིག་སྒྲིབ་སྦྱོང་སྟེ་ལས་ངན་དག་ཚུགསཔ་ཨིན།

དེ་ལས་དང་པོ་མདོ་མཚན་ཉིད་ཐེག་པའི་ལུགས་ཀྱི་གཉེན་པོ་སྟོབས་བཞིའི་སྐོར་ལས་མདོར་བསྡུས་ཅིག་ཞུ་བ་ཅིན། གཉེན་པོ་སྟོབས་བཞི་ཟེར་མི་འདི་ཡང་། ༡རྣམ་པར་བསྲུན་འབྱིན་པའི་སྟོབས། ༢རྟེན་གྱི་སྟོབས། ༣གཉེན་པོ་ཀུན་ཏུ་སྤྱོད་པའི་སྟོབས། ༤ཉེས་པ་ལས་སླར་ལྡོག་པའི་སྟོབས་ཟེར་མི་དེ་ཚུ་ཨིན།