ཀེག་རྩིས་ལོ་མོའི་འགྲེལ་བཤད་རྒྱས་པ། ༼ཀེག་རིགས་དང་རྡེལ་འབྲས།༽
ཕྱོགས་བསྒྲིགས།
༈ རང་ལོ་གནམ་ལོ་ཤར་བའི་སྐབས། །རང་ཀེག་དག་གི་རྩུབ་པ་སྟེ། །མྱ་ངན་མི་བསང་ནད་པ་ཡི། །སྔས་མི་འགྲོ་ཞིང་མཁར་ལས་དང་། །གཡེང་སྤང་དགེ་སྦྱོར་ས་འབད་ཅིང་། །ཚེ་དབང་ཞུ་ཞིང་ཚེ་གཡང་འགུགས། །དགེ་འདུན་འདུས་སྡེར་བསྙེན་བཀུར་ཞིང་། །འབུམ་དང་ཉེ་ཁྲི་གཙུག་ཏོར་དང་། །གདུགས་དཀར་ཏོག་གཟུངས་ལ་སོགས་འདོན། །བརྒྱ་བཞི་དང་ནི་ཀེག་བཟློག་བྱ།། ༈ བྱེ་བྲག་བཅུ་གསུམ་བུ་ཐོག་ཀེག །འབྱོར་པ་དགྲ་ལྡང་ལུས་དབང་གཙོ། །སྣང་བརྒྱད་བཟུང་ཆེན་གྲྭ་ལྔ་འདོན། །དཔལ་བསྐྱེད་དགྲ་བཟློག་དགྲ་མནན་བྱ།། ༈ ཉེར་ལྔ་གྲོགས་ཐོག་དབུགས་གསོའི་ཀེག །ཕོ་སྲོག་བུད་མེད་དབང་ཐང་གཙོ། །ཏོག་གཟུངས་རྣམ་འཇོམས་ཚེ་མདོ་བཀླག། ༈ སོ་བདུན་དགྲ་ཐོག་བདུད་གཅོད་ཀེག། །འདྲེ་ངན་ཀེག་ཡིན་དབང་ཐང་གཙོ། །ཤེར་ཕྱིན་ཏོག་གཟུངས་ཚེ་གཟུངས་འདོན། །སྲོག་བསླུ་འཆི་བསླུ་གོད་མནན་བྱ།། ༈ ཞེ་དགུ་མ་ལ་དཔལ་བབས་ཀེག །ཚོང་གྲོགས་ཁ་རྗེ་ཆེ་བ་ཡིན། །ཀླུང་གཙོ་རིམ་གྲོ་གཞན་དང་བསྟུན།། ༈ རེ་གཅིག་རང་ཐོག་བྱེ་བྲལ་དང་། །ན་ཚ་འབྱུང་ཤིང་སྲོག་ཁམས་གཙོ། །བྱེ་བྲལ་གཏོ་དང་སཱཙྪ་གདབ། །འབུམ་འདོན་ནད་བཟློག་བྱུར་འབུད་བྱ།། ༈ དོན་སུམ་གོང་གི་བཅུ་གསུམ་མཚུངས། །ཕོ་ལ་བདུན་བསུ་མོར་ཕྱིར་བསྐྱལ། །རང་ཐོག་ཀུན་ལའང་གཅེས་པར་བཟུང།།
༈ བདུན་བཟུར་རྩུབ་པ་ཤར་བའི་སྐབས། །ཡེ་འདྲོག་བྲེད་སྡངས་ཁ་གཡོགས་འོང་། །མཆུ་གསུམ་སྟོབས་ཆེན་སྡོང་རྒྱན་དང་། །ཏོག་གཟུངས་རྒྱལ་མཚན་རྩེ་མོ་འདོན། །བཙན་མདོས་དགྲ་བཟློག་དགྲ་ལྷ་གསོལ། །སཱཙྪ་ལོ་གྲངས་བདུད་གཅོད་དང་། །མར་མེ་ལོ་གྲངས་འདྲེ་ལྔའི་སར། །བསྐྱལ་ཏེ་སྨོན་ལམ་ཅི་མང་བཏབ།། ༈ མཐུན་གསུམ་རྩུབ་པའི་ལོ་དུས་སུ། །ཁང་ནག་མི་བཤུ་ལམ་རིང་སྤང་། །དམར་དང་རོ་འབག་རབ་ཏུ་བསྲུང་། །དགྲ་ལྷ་གསོལ་ཞིང་དགྲ་བཟློག་བྱ། །བརྒྱ་བཞི་གཡང་ལོན་སྲི་ཟློག་འདོན།། ༈ ཡར་མར་གཉིས་ཀྱི་བཞི་གཤེད་ལ། །ཕྱི་ཡི་རོ་འདོད་ཆེ་ཆུང་ཟེར། །ཚོང་དང་བྱེས་སུ་འགྲོ་བ་སྤང་། །སེམས་ཁྲལ་ན་ཚ་འབྱུང་ཉེན་ཡོད། །སྨན་མདོ་སྨན་ཆོག་བརྒྱད་སྟོང་དང་། །ཉེ་ཁྲི་འདོན་ཞིང་སྲོག་བསླུ་བྱ།། ༈ ལོ་འགྲོས་དབང་ཐང་ཚང་གཅིག་ལ། །ཁྱིམ་མཚེས་རྩུབ་པས་ན་ཚ་དང་། །ལོ་ཉེས་འོང་བས་བྱེ་འགྲོ་སྤང་། །གཡང་ལོན་ཚེའི་ཆོ་ག་བྱ།།
༈ ལོག་མེན་སྤར་ཁ་སྨེ་གསུམ་གྱི། །གནམ་སྒོ་ལོ་སྟེང་ཕོག་པའི་དུས། །བ་གམ་མི་བཏེག་ཐོག་མི་འབུབས། །མནའ་མི་སྐྱེལ་ཞིང་ཁྱི་མི་གསོ། །ཐོག་དང་རྦབ་ལ་འཛེམ་པར་གཅེས། །གནམ་སྙིང་མཚན་བརྒྱ་གཙུག་ཏོར་སྒྲོགས། །གནམ་སྒོ་སྡོམ་ཞིང་བརྒྱ་བཞི་བྱ།། ༈ ལོག་མེན་སྤར་ཁ་སྨེ་གསུམ་གྱི། །ས་སྒོ་ཤར་བའི་དུས་སྐབས་སུ། །ཕུང་དང་སྲི་གིས་ལྡང་བ་ཡིན། །ས་བརྐོ་ཁང་རྨང་འདིང་བ་སྤང། །རྨ་བྱ་ཆེན་མོའི་གཟུངས་དང་ནི། །ས་སྙིང་ཏོག་གཟུང་ལ་སོགས་འདོན། །ཕུང་སྲི་མནན་ཞིང་ས་སྒོ་སྡོམ།། ༈ རྐྱང་པའི་དགུ་མིག་ཕོག་དུས་སུ། །མར་མེ་ལྷ་བཤོས་སཱཙྪ་དང་། །གཙུག་ཏོར་ཆབ་གཏོར་དགུང་གྲངས་སམ། །ཕོ་ལ་མདའ་དང་མོ་ལ་འཕང་། །ལོ་གྲངས་ཁྲམ་བཏབ་ལ་རྫས་འཛུགས། །རྡོ་དགུ་བརྩིགས་ལ་ཕྱག་དགུ་འཚལ། །ན་ཤིའི་དགུ་མིག་ཐར་རོ་བརྗོད། །ཡང་ན་སྐེག་མིག་དགུ་ལ་འཛེག །ཐར་རོ་ཞེས་བརྗོད་དེས་ཀྱང་ཐུབ།། ༈ སྤར་སྨེ་དགུ་མིག་ཕོག་པའི་དུས། །སྤང་བླང་མཁར་ལས་རོ་འབག་དང་། །ཐབ་ཞོབ་འཛེམ་ཞིང་བྱབས་ཁྲུས་ཞུ།། ༈ དུར་མིག་ལོ་སྟེང་ཁྱེལ་བའི་སྐབས། །ཚེ་དབང་ཞུ་ཞིང་ཚེ་ཆོག་གནང་། །དུར་མིག་སྡོམ་པའི་གཏོ་ཆོག་བྱ།། ༉ དགུ་དུར་གཉིས་འཛོམས་ཐོག་ཕྱིན་རྣམས། །ཚེ་སྒྲུབ་དང་ནི་དགུ་བཟློག་བྱ། །དགུ་མིག་སྤྱི་བཅོས་གོང་གསལ་ལྟར། །བྱེ་བྲག་བྱིས་པ་རྣམས་ལ་ནི། །གདུགས་དཀར་འདོན་ཞིང་བུད་མེད་ལ། །སྒྲོལ་ཆོག་སྐྱེས་པ་དར་མ་ལ། །གཙུག་ཏོར་རྣམ་རྒྱལ་མ་ཡི་གཟུངས། །རྒན་པོ་ཡུམ་ཆེན་བསྡུས་འདོན། །རྒན་མོ་བགྲེམ་མོས་ཞུས་པའི་མདོ། །མི་དཔོན་རྒྱལ་པོ་མདོ་ལྔ་བཀླག། ༈ རང་དུར་ཆེ་བ་སླེབ་པའི་དུས། །སྐུ་རིམ་བདུད་ཀྱི་ཁྲམ་བཟློག་བྱ།། ༈ གཤེད་དུར་ཆེ་བ་ཕོག་པའི་དུས། །གསེར་འོད་དམ་པའི་མདོ་འདོན་ཞིང་། །ཆེ་གཏོར་བཏང་ན་དགེ་བར་གསུངས།། ༈ རང་དུར་ཆུང་དང་གཤེད་དུར་ཆུང་། །ཁེལ་ན་སྐུ་གསུང་ཐུགས་རྟེན་ལ། །ཕྱག་མཆོད་འབུལ་ཞིང་དབུལ་ཕོངས་ལ། །སྦྱིན་པ་བརྒྱ་ཆེར་བཏང་བ་དང་། །སྲོག་བསླུ་རྣམ་དཀར་དགེ་ལ་འབད།།
༈ ཟླ་དོག་ཞག་དོག་ཁེལ་བའི་དུས། །དོན་ཆེན་ལས་རྣམས་འཛེམ་པར་བྱ། །གལ་ཏེ་དེ་ལ་བྱ་དགོས་ན། །སྐུ་རིམ་བརྒྱ་བཞི་བཏང་ན་དགེ །འཆི་གླུད་བཏང་ཀྱང་ཐུབ་པར་གསུངས།། ༈ སྲི་ངན་རྩུབ་པ་སླེབ་པའི་དུས། །ས་བརྐོ་རྡོ་སློག་ཁང་རྙིང་སོགས། །བཤུག་པའི་ས་རུ་འཛེམ་པར་བྱ། །སྲི་བཟློག་གང་མང་འདོན་པ་དང་། །ཕུང་སྲི་གནོན་ན་དགེ་བར་གསུངས།། ༈ བཟའ་ཤུག་རྩུབ་པ་ཁེལ་བའི་དུས། །སྐྱིད་སྡུག་ཁྱིམ་ལ་འོང་གཉན་ཆེ། །སྤར་སྨེའི་གཏོ་བཅོས་བྱས་ན་དགེ། ༈ གསང་ཀེག་ལོ་སྟེང་བབས་པའི་དུས། །མྱ་ངན་འོང་བའི་ས་དང་ནི། །མནའ་སོགས་སྐྱེལ་བའི་ས་ལ་འཛེམ། །བཟློགས་སུ་སྤར་ཁའི་བཅོས་ཐབས་བྱ།།
༈ སྨེ་བའི་ཀེག་ཕྲན་རྣམ་བཞི་ལས། །ཁང་ཀེག་བབས་པའི་ལོ་རྣམས་ལ། །གོང་མའི་བཀའ་ཆད་ཕོག་ཉེན་ཆེ། །གཏོ་རིམ་སྨེ་བ་གར་བབས་བཅོས།། ༈ མལ་ཀེག་ཕོག་པའི་ལོ་རྣམས་ཀྱིས། །ཉལ་ས་ཐབ་སོགས་སྤོ་བར་བྱ། །སྨེ་བ་དགུའི་གཏོ་བཅོས་བྱ།། ༈ ཡུལ་ཀེག་ཁེལ་བའི་ལོ་འདི་རུ། །གཉིས་ནག་སྨེ་བའི་གཏོ་བཅོས་བྱ།། ༈ ཁམས་ཀྱི་རྒྱལ་འགགས་ཁེལ་བའི་དུས། །ཕྱོགས་ངན་བསྲུང་བ་སྐེ་ལ་འདོག །སྲི་ངན་བཟློག་པའི་རིམ་གྲོ་བྱ།།
༼རྡེལ་དཀར་ནག་གི་འགྲེལ་བ་རྒྱབ་པ༽
༼སྲོག་རྡེལ། ༽ ༈ སྲོག་རྡེལ་དཀར་པོ་གསུམ་བབས་ན།།འབྱུང་བ་སྲོག་གི་ལྗོན་ཤིང་རྒྱས།།ཚེ་ཡི་འཁོར་ལོ་རྩིབས་བརྒྱད་ལ།།གདོན་བགེགས་འབྱུང་པོས་མི་ཚུགས་སོ།།
༈ སྲོག་རྡེལ་དཀར་པོ་གཉིས་བབས་ན།།སྲོག་གི་འབྱུང་བ་གྲོགས་དང་ཕྲད།།ཚེ་ཡི་འཁོར་ལོ་མ་ཞིག་པས།།སྲོག་ལ་བར་ཆད་ཡོང་མི་སྲིད།།
༈ སྲོག་རྡེལ་དཀར་པོ་གཅིག་བབས་ན།།སྲོག་གི་ཚེ་འཛིན་བར་ཆད་མེད།། ༈ སྲོག་རྡེལ་ནག་པོ་གཉིསབབས་ན།།རིན་ཆེན་སྲོག་གི་ཐང་ཤིང་ཆག།།འཆི་ངེས་སྲོག་བསླུ་སྲོག་མི་གཅོད།།ཚེ་གཟུངས་ཚེ་ཆོག་བླ་བསླུ་གྱིས།།༉སྲོག་རྡེལ་ནག་པོ་གཅིག་བབས་ན།།སྲོག་གི་ལྗོན་ཤིང་རྩ་བ་སྐམ།།བླ་བསླུ་བརྒྱ་བཞི་ཚེ་ཆོག་བྱ།།
༈
སྲོག་རྡེལ་དཀར་ནག་གཉིས་བབས་ན།།སྲོག་ལ་ལྷ་བདུད་ཆོ་ལོ་འགྱེད།།སྐུ་ཡི་རིམ་གྲོ་མྱུར་དུ་གྱིས།།
༼ལུས་རྡེལ། ༽ ༈
ལུས་རྡེལ་དཀར་པོ་གསུམ་བབས་ན།།ལུས་ལ་སྟོབས་དང་རྩལ་ཡང་བསྐྱེད།།ནད་དང་སདཐུག་བསྔལ་མེད་པས་དགེ།།
༈
ལུས་རྡེལ་དཀར་པོ་གཉིས་བབས་ན།།ལུས་ནས་བྱང་ཞིང་སེམས་སྡུག་མེད།།༉ལུསརྡེལ་དཀར་པོ་གཅིག་བབས་ན།།ཕན་གནོད་བྱེད་པའི་ལྷ་བདུད་མེད།།
༈ ལུས་རྡེལ་ནག་པོ་གཉིས་བབས་ན།།ལུས་ལ་ནད་འཁོར་སེམས་སྡུག་ཆེ།།མཆོད་རྟེན་ན་བཟའ་ཞིག་གསོ་བྱེད།།ལམ་འཕྲང་བཅོས་ཤིང་སཱཙྪ་གདབ།།
༈ ལུས་རྡེལ་ནག་པོ་གཅིག་བབས་ན།།ལུས་འབྱུང་ཉམས་པས་མི་བདེ་འོང་།།ལུས་བསྐྱེད་གཏོ་ཆོག་མཆོད་སྦྱིན་གཏོང་།།
༈ ལུས་རྡེལ་དཀར་ནག་གཉིས་བབས་ན།།ལུས་ལ་ལྷ་སྲིན་ཆོ་ལོ་འགྱེད།།བུད་མེདཡིན་ན་སྲིད་ཀྱི་ངོ།།
༼དབང་རྡེལ། ༽ ༈ དབང་རྡེལ་དཀར་པོ་གསུམ་བབས་ན།།དབང་ཐང་ར་བར་བདུད་རྩི་བབས།།
༈ དབང་རྡེལ་དཀར་པོ་གཉིས་བབས་ན།།དབང་ཐང་གྲོགས་དང་འཕྲད་པ་སྟེ།།བསམ་དགུ་ཡིད་བཞིན་འགྲུབ་པས་བཟང་།།
༈ དབང་རྡེལ་དཀར་པོ་གཅིག་བབས་ན།།ཁ་རྗེ་ཟ་ཐང་འབྲིང་པོ་ཡིན།། ༈ དབང་རྡེལ་ནག་པོ་གཉིས་བབས་ན།།དབང་ཐང་ར་བ་མཐའ་ནས་ར།།ལམ་བཅོསམཆོད་སྦྱིན་ཆུ་གཏོར་ཐོང་།།
༈ དབང་རྡེལ་ནག་པོ་གཅིག་བབས་ན།།དབང་ཐང་ཟས་ནོར་ཁ་བུབ་སྟེ། །དབང་ཐང་བསྐྱེད་པའི་ལྟོ་ཆོག་བྱ།། ༈ དབང་རྡེལ་དཀར་ནག་ཟུང་བབས་ན།།ནོར་རྫས་རྨི་ལམ་སྒྱུ་མ་འདྲ།།
༼ཀླུང་རྡེལ། ༽ ༈
ཀླུང་རྡེལ་དཀར་པོ་གསུམ་བབས་ན།།ཀླུང་རྟ་ཡིད་ཚང་བསོད་ནམས་བསྐྱེད།།རང་གི་བྱ་བ་འགྲུབ་པ་ཡིན།།
༈ ཀླུང་རྡེལ་དཀར་པོ་གཉིསབབས་ན།།གཞན་གྱིས་འགྲན་ཟླ་མེད་པ་ཡིན།།
༈ ཀླུང་རྡེལ་དཀར་པོ་གཅིག་བབས་ན།།ཀླུང་རྟ་གསེར་གཡུ་སྤེལ་མ་འདྲ།།ཁ་སྨྲས་དགྲ་ངོ་རྩོད་ངོ་མེད།།
༈
ཀླུང་རྡེལ་ནག་པོ་གཉིས་བབས་ན།།ཀླུང་རྟ་བསོད་ནམས་གྲ་ཡང་ཆགཉེ་བའི་ནང་ནས་དགྲ་འབྱུང་དོགས།་དགྲ་སྲི་མནན་ཅིང་དགྲ་བཟློག་བྱ།།ཆུ་ལ་ཟམ་པ་ཀླུང་བསྐྱེད་གསོ།།
༈ ཀླུང་རྡེལ་ནག་པོ་གཅིག་བབས་ན།།མ་ཉེསཁ་གཡོགས་འབྱུང་གི་དོགས།།ལམ་བཅོས་དགྲ་མནན་ཀླུང་བསྐྱེད་བྱ།། ༈ ཀླུང་རྡེལ་དཀར་ནག་ཟུང་བབས་ན།།མི་ཆེན་བྱམས་ཀྱང་མ་རབས་སྡང་།།མི་ཁ་སྡང་བས་གཙུག་ཏོར་འདོན།།
༼བླ་རྡེལ། ༽ ༈
བླ་རྡེལ་དཀར་པོ་གསུམ་གཉིས་བབས། །བླ་ཚེ་བྲག་དཀྱིལ་འུག་པ་འདྲ།།སྲོག་ལ་ཉེས་མེད་བཟང་བ་ཡིན།། ༈ བླ་རྡེལ་དཀར་པོ་གཅིག་བབས་ན། །བླ་སྲོག་མ་འབྲལ་འཆི་ཉེན་མེད།། ༈ བླ་རྡེལ་ནག་པོ་གཉིས་བབས་ན། །མིའུ་རིན་ཆེན་བླ་སྲོག་བྲལ། །བླ་བསླུ་ཚེ་ཆོག་དྲག་ཏུ་བྱ།། བླ་རྡེལ་ནག་པོ་གཅིག་བབས་ན། །བླ་ཚེ་བདུད་བརྐུས་བླ་བསླུ་བྱ།། ༈ བླ་རྡེལ་དཀར་ནག་ཟུང་བབས་ན། །ཁྲམ་དང་གོད་ཁ་འོང་ཉེན་ཡོད། །སྐུ་ཡི་རིམ་གྲོ་མྱུར་དུ་གྱིས།།
༼བཅུད་བསྡོམས།༽ ༈ སྲོག་ལུས་དབང་ཀླུང་བཞི་པོ་ཡི། །རྡེའུ་ཐམས་ཅད་དཀར་བབས་ན། །སྐྱིད་པའི་ལ་བརྒལ་དེ་ཡང་ངན། །ལྷ་གསོལ་བསང་ཁྲུས་ཅི་དྲག་བསྐྱར།།
No comments:
Post a Comment