ལོ་འགོ་འཛིན་ཚུལ།

སྐབས་འདིར་ལོ་འགོ་འཛིན་ཚུལ་དང་འབྲེལ་བའི་རང་ལུགས་འབྲུག་པའི་ལོ་གསར་གྱི་སྐོར་མདོར་བསྡུས་ཙམ་ཞིག་ཞུ་ན།

༡ ལོ་གསར་གྱི་ནང་ནས་དང་ཤོས་ནི། བྱག་འོག་སྐར་མ་ཉ་རུབ་གྱི་ལོ་གསར་བརྩི་སྲོལ་འདི་ཡིན་ལ། འདིའི་སྐར་མ་ཉ་རུབ་ཀྱི་དོན་ནི། སྐར་མ་ཞེས་པ་སྐར་མ་སྨིན་དྲུག་དང་། ཉ་ཞེས་པ་ཚེས་པ་བཅོ་ལྔའི་ཟླ་བ། རུབ་ཅེས་པ་མཉམ་དུ་འཛོམས་པའི་དོན་ཡིན། དེ་ཡང་ཟླ་བ་བཅུ་པའི་ཚེས་པ་བཅོ་ལྔའི་མཚན་མོ་སྐར་མ་སྨིན་དྲུག་དང་ཟླ་བ་གཉིས་མཉམ་དུ་འཛོམས་པས་དེའི་ཉིན་མོ་ནས་ལོ་གསར་བརྩི་བ་ཡིན། ཡིན་ན་ཡང་དོན་ངོ་མ་ནི་དམ་ཆོས་འདུལ་བ་དང་། རྒྱ་གར་གྱི་ལུགས་ལྟར་ཟླ་བ་བཅུ་པའི་ཚེས་པ་བཅོ་ལྔ་དེ་ནས་ལོ་རྫོགས་པ་དང་། དེའི་ཕྱིས་ཉིན་ཚེས་པ་བཅུ་དྲུག་སྟེ། སྨིན་དྲུག་ཟླ་བའི་མར་ངོའི་ཚེས་པ་གཅིག་ནས་ལོ་འགོ་བཙུགས་པ་ཡིན་པས་དེའི་ཤུགས་རྐྱེན་གྱིས་སྐར་མ་ཉ་རུབ་ཀྱི་ལོ་གསར་འདི་བྱུང་བ་ཡིན།

མངོན་པ་མཛོད་ཀྱི་འདས་པའི་ལོ་ཚུ་གི་དྲི་བའི་ལན་བཞུགས།

མངོན་པ་མཛོད་ཀྱི་འདས་པའི་དྲི་བ་ཚུ་ མཛོད་གནས་རེ་རེ་བཞིན་དུ་ཕྱི་བསལ་རྐྱབ་སྟེ་ལན་ཞུ་གེ།

 སྤྱི་དོན་དང་འབྲེལ་བའི་དྲི་བ།

དྲི་བ། སློབ་དཔོན་དབྱིག་གཉེན་གྱི་རྣམ་ཐར་མདོར་བསྡུས་ཅིག་བྲིས།

ལན། སློབ་དཔོན་དབྱིག་གཉེན་འདི་ དུས་རབས་ལྔ་པའི་ནང་ རྒྱ་གར་ནུབ་བྱང་ཕྱོགས་ཀྱི་གྲོང་ཁྱེར་རྡོ་འཇོག་ཟེར་སར་ ཡུམ་གསལ་བའི་ཚུལ་ཁྲིམས་ཟེར་མི་འདི་གི་སྲས་ལུ་འཁྲུངས་ནུག། དུས་ཚོད་དེ་སྒང་ ཕྱོགས་གཅིག་ལས་བལྟ་བ་ཅིན་ སངས་རྒྱས་ཀྱི་བསྟན་པ་བྱང་ལས་བྱང་ལུ་དར་བའི་སྐབས་དང་། ཕྱོགས་གཅིག་ལས་བལྟ་བ་ཅིན་ རྒྱ་གར་ནུབ་བྱང་ཕྱོགས་ལུ་བསྟན་པ་རིམ་གྱིས་ཉམས་པའི་དུས་ཚོད་ཅིག་ཨིན་མས། འདི་འབདཝ་ལས་ སློབ་དཔོན་ཁོ་གི་ཡུམ་འདི་ ཧེ་མ་ཨ་ཎིམ་གཅིག་ཨིན་རུང་ བསྟན་པ་ལུ་ཉམས་ཆགས་བྱུང་མི་འདི་ལུ་ཐུགས་ཀྱིས་མ་བཟོད་པར་ བསྟན་པ་འཛིན་སྐྱོང་འབད་ཚུགས་པའི་བུ་བརྒྱུད་སྤེལ་ནི་གི་སྨོན་ལམ་བཏབ་ཞིནམ་ལས་ འཇིག་རྟེན་སྐྱོང་སྟེ་སྲས་སྐུ་མཆེད་གཉིས་འཁྲུངས་ས་ལས་ སྦོམ་ཤོས་འདི་ འཕགས་པ་ཐོགས་མེད་དང་། ཆུང་ཤོས་འདི་སློབ་དཔོན་དབྱིག་གཉེན་ཨིན་མས། སྲས་གཉིས་ཡུམ་ཆེན་མོ་རང་གི་གཅེས་སྐྱོང་འབད་བའི་ཐ་མར་ སྤུན་ཆ་གཉིས་ཆ་ར་ དམ་པའི་ཆོས་ལུ་བཙུགས་ནུག། ཁོང་གཉིས་སློབ་སྦྱོང་ཧ་ལམ་འབད་ཞིནམ་ལས་ གཅེན་པོ་ཐོགས་མེད་རྒྱ་གར་གཡུས་ཕྱོགས་ལུ་བྱོན་ཏེ་ སེམས་ཙམ་པའི་ལྟ་བ་ལུ་སྦྱངས་བརྩོན་གནང་ཡོདཔ་དང་། གཅུང་པོ་དབྱིག་གཉེན་ཁོ་ར་ བྱང་ཕྱོགས་ཀཥྨིར་ལུ་བྱོན་ཏེ་ ཁ་ཆེ་བྱེ་བྲག་སྨྲ་བའི་གཞུང་ལུ་སློབ་སྦྱོང་གནང་ཡོདཔ་མ་ཚད། མངོན་པ་མཛོད་ཀྱི་གཞུང་འདི་ཡང་ ཀཥྨིར་ལུ་མཛད་ཡོདཔ་ཨིན་མས།

མཛོད་ཀྱི་དྲི་བ་དྲི་ལན།

 ༡༽   ཆོས་མངོན་པའི་དབྱེ་བ། མཚན་ཉིད། ངེས་ཚིག་རྣམས་ལེགས་པར་ཕྱེ་སྟེ་འབྲི་དགོས།

ལན།  ཆོས་མངོན་པའི་དབྱེ་བ་ནི། དོན་དམ་པའི་ཆོས་མངོན་པ་དང་བརྡར་བཏགས་པའི་ཆོས་མངོན་པའོ།

   མཚན་ཉིད་ལ། ༡ དོན་དམ་པའི་ཆོས་མངོན་པའི་མཚན་ཉིད་ནི། ཆོས་ཀྱི་གནས་ལུགས་མངོན་སུམ་དུ་རྟོགས་པའི་ཤེས་རབ་དང་དེའི་འཁོར་དུ་གཏོགས་པའི་སེམས་དང་སེམས་བྱུང་། ༢ བརྡར་བཏགས་པའི་ཆོས་མངོན་པའི་མཚན་ཉིད། དོན་དམ་པའི་ཆོས་མངོན་པའི་རྒྱུར་གྱུར་པའི་ལམ་དང་མངོན་པའི་གཞུང་།    

  ངེས་ཚིག་ནི། མདོ་སྡེ་རྒྱན་ལས། མངོན་དུའི་ཕྱིར་དང་ཡང་ཡང་ཕྱིར། །ཟིལ་མནོན་རྟོགས་ཕྱིར་མངོན་པའི་ཆོས།། ཞེས་གསུངས་པ་ལྟར། ཐར་པ་ལ་མངོན་དུ་ཕྱོགས་པ་དང་། ཡང་ནས་ཡང་དུ་སེམས་པ་དང་། གཞན་ཟིལ་གྱིས་མནོན་པ་དང་། བདག་མེད་པའི་དོན་རྟོགས་པའི་ཕྱིར་ན་ཆོས་མངོན་པ་ཞེས་བརྗོད་པ་ཡིན།

གབ་ཚིག་དང་སྐྱོན་སེལ་ཕྱོགས་བསྒྲིགས།

སྙན་ངག་ལེའུ་གསུམ་པ། གབ་ཚིག་དང་སྐྱོན་སེལ་ཕྱོགས་བསྒྲིགས།

འགྲེལ་པ་དང་དཔེར་བརྗོད། བོད་མཁས་དགེ་ལེགས་རྣམ་རྒྱལ།

དཔེར་བརྗོད་འགྲེལ་བཤད། དབྱངས་ཅན་གྲུབ་པའི་རྡོ་རྗེའི་དངོས་སློབ།

ཕྱོགས་བསྒྲིགས་པ། བསམ་གཏན། ༢༠༢༡༩

  ༄༅།  །ཉོན་ཤེས་གཉིས་ཀྱི་སྒྲིབ་པ་དབྱིངས་སུ་དག །བརྩེ་བས་ཡོངས་བསྐུལ་ཆོས་དོན་སྨྲ་བའི་ཕྱིར།།

མང་དུ་ཐོས་པ་ཅན་གྱི་མགྲིན་རྒྱན་དུ། །བཞུགས་པའི་ངག་དབང་ལྷ་མོས་ཤིས་པ་རྩོལ།།

ཞེས་ཤིས་པར་བརྗོད་པའི་ཚིག་གིས་མདུན་བསུས་ནས། གབ་ཚིག་དང་སྐྱོན་སེལ་གཉིས་སྐབས་སུ་འབབ་པའི་བརྗོད་བྱ་དང་། འདི་ཡང་ སྙན་ངག་སྨྲ་བའི་དབང་པོ་རྗེ་བོད་མཁས་པའི་དཎྜིའི་དགོངས་རྒྱན་གཞིར་བཟུང་དང་། གབ་ཚིག་དཔེར་བརྗོད་ཀྱི་འགྲེལ་བཤད་འདི་ཉིད། དབྱངས་ཅན་གྲུབ་པའི་རྡོ་རྗེའི་དངོས་སློབ་མཚན་མི་གསལ་བ་ཞིག་གིས་མཛད་པ་བཅས་ལ། ཁ་སྐོང་ཅུང་ཟད་ཁོ་བོ་རང་ཉིད་ཀྱིས་ཀྱང་བྱས་ནས་ཞུ་བར་བྱ་བ་ཡིན་ནོ།།

སྙན་ངག་ལེའུ་གསུམ་པ་སྒྲ་རྒྱན།

སྙན་ངག་སྒྲའི་རྒྱན་བཤད་པ་ལ་གསུམ་སྟེ། ཟུང་ལྡན་གྱི་རྣམ་གཞག། བྱ་དཀའ་བའི་འཁོར་ལོ་གསུམ། ངེས་པའི་བྱ་དཀའ་བ་གསུམ་བཤད་པའོ།། དང་པོ་ལ་ཡང་མཚན་ཉིད། དབྱེ་བ་མདོར་བསྟན། དཔེར་བརྗོད་ཀྱི་སྒོ་ནས་རྒྱས་བཤད་བཅས་གསུམ་ལས། མཚན་ཉིད་ནི།

ཡི་གེ་ཚོགས་པ་བསྐོར་བ་ནི། །ཟུང་ལྡན་དེ་ཡང་བར་ཆོད་དང་།།

མ་ཆོད་ཆོད་ཅིང་མ་ཆོད་པའོ།།

སུམ་རྟགས་སི་ཏུའི་དགོངས་རྒྱན།

༄༅། བསྟན་བཅོས་སུམ་ཅུ་པ་དང་རྟགས་ཀྱི་འཇུག་པའི་དོན་བསྡུས་སི་ཏུའི་དགོངས་རྒྱན་གྱི་

ཚིག་འགྲེལ་བྱིས་པའི་རོལ་མཚོ་ཞེས་བྱ་བ་ཞུགས་སོ།།

ཨོཾ་སྭ་སྟི། སྣང་སྟོང་མཚན་དཔེ་གསལ་རྫོགས་དྭང་མའི་སྐུ། །གྲགས་སྟོང་བརྗོད་པ་ཀུན་ཏུ་འཆར་བའི་གསུང་། །རིག་སྟོང་དབྱིངས་ཡེ་འདུ་བྲལ་མེད་པའི་ཐུགས། །འཇམ་དཔལ་ཡེ་ཤེས་སེམས་དཔས་དགེ་ལེགས་སྩོལ། །གང་གི་སྒྱུ་འཕྲུལ་ལེགས་བྲིས་སྙིང་སྟོབས་ཀྱིས། །འཕགས་ཡུལ་མཁས་པའི་ཡིད་མཚོ་བྲུབས་པའི་སྐྱེས། །དམ་ཆོས་ཉི་མ་གངས་ཅན་མུན་གླིང་དུ། །འདྲེན་མཛད་སམྦྷོ་ཊ་ཡིས་དེང་འདིར་སྐྱོངས། །གང་གི་གཞུང་བཟང་བདུད་རྩིའི་ཆུ་རྒྱུན་འདི། །རྟོག་གེའི་དུག་ཆུས་རྙོག་དུས་སླར་ཡང་ནི། །གྲུང་བྱེད་ཀེ་ཏ་ཀ་ཡི་ཚུལ་འཛིན་པ། །མཁས་མཆོག་ཆོས་ཀྱི་སྣང་བས་རྗེས་བཟུང་མཛོད། །གང་གི་ལེགས་བཤད་མུ་ཏིག་འཕྲེང་མཛེས་ལས། །བཏུས་ཏེ་བློ་ཆུང་བྱིས་པའི་འཇུག་ངོགས་སུ། །དོན་བསྡུས་སི་ཏུའི་དགོངས་རྒྱན་དུ་གྲགས་པའི། །ཚིགས་བཅད་སླར་ཡང་རྣམ་པར་འབྱེད་ལ་སྤྲོ།།

རིམ་གྲོའི་སྐོར།

རིམ་གྲོའི་སྐོར།

༈  ཧི་མ་ལ་ཡའི་ཡུལ་ལྗོངས་ནང་འབད་སྲོལ་ཡོད་པའི་རིམ་གྲོ་ཟེར་མི་འདི་ ལུགས་སྲོལ་ཁག་བཞི་དེ་ཅིག་སླ་བསྲེས་ཞིནམ་ལས་བྱུང་པའི་འདྲེས་མའི་ཆོ་ག་གཅིག་ཨིནམ་མ་གཏོགས་ ནང་ཆོས་གཙང་མ་གཅིག་མེན།

ག་ཅི་སྦེ་ཟེར་བ་ཅིན། སྟོན་པ་བཅོམ་ལྡན་འདས་སྐུ་དངོས་བཞུགས་པའི་སྐབས་ལུ་ སྟོན་པ་ཁོ་རང་ཚོགས་འགོཔ་སྦེ་བཞུགས། འོད་སྲུང་དང་ཀུན་དགའ་བོ་ལ་སོགས་པ་ཚུ་ དབུ་མཛད་འབད་དེ་ཆོ་ག་ཉིནམ་གཅིག་ཡང་གཏང་མྱོང་མེད། ད་ལྟོའི་བར་ན་ཡང་ ཤྲཱི་ལངྐ་དང་། འབར་མ། ཐའི་ལནྜ་གྱི་རྒྱལ་ཁབ་ཚུ་ནང་ ནང་པའི་དགེ་སློང་གསེར་སང་སང་སྦེ་བཞུགས་ཡོདཔ་ཨིན་རུང་། རྔ་བརྡུང་། དུང་འཕུ། རོལ་མོ་བརྡུང་སྟེ་ཆོ་ག་གཏང་ནི་མིན་འདུག

འདི་ཚུ་ག་ཏེ་ལས་བྱུང་ཡི་ག་ཟེར་བ་ཅིན། གདོས་མའི་ལུགས་སྲོལ་ལས་བརྒྱ་ཆ་ཉི་ཤུ། བོན་ཆོས་ལས་བརྒྱ་ཆ་སུམ་ཅུ། རྒྱ་ནག་འབྱུང་རྩིས་ལས་བརྒྱ་ཆ་སུམ་ཅུ། ནང་པའི་གསང་སྔགས་ཀྱི་ཆོས་ནང་ལས་བརྒྱ་ཆ་ཉི་ཤུ་དེ་གཅིག་བསྡོམས་ཞིནམ་ལས་བྱུང་བྱུངམ་གཅིག་ཨིན་མས།

ལེགས་བཤད་ལྗོན་དབང་།

སུམ་ཅུ་པའི་སྙིང་པོ་ལེགས་བཤད་ལྗོན་པའི་དབང་པོའི་འགྲེལ་བ་གསལ་བྱེད་ཉི་མའི་འོད་སྣང་བཞུགས་སོ། །

རྩ་བ། དབྱངས་ཅན་གྲུབ་པའི་རྡོ་རྗེ།  འགྲེལ་པ། ཚེ་རིང་བསམ་གྲུབ།

    མཆོད་བརྗོད་དང་རྩོམ་པར་དམ་བཅའ་བ།

༄༅།   །ཕུལ་བྱུང་མཁྱེན་པའི་ཡེ་ཤེས་ཡོངས་རྫོགས་སྟོན་མཆོག་མཉམ་མེད་ཟླ་ཤེལ་དབང༌།།གཞན་ཕན་བརྩེ་བའི་སྙིང་རྗེའི་བསིལ་ཟེར་མཁའ་ཁྱབ་འགྲོ་ལ་ལེགས་སྙོམས་ཤིང༌། །གང་འདུལ་ཕྲིན་ལས་སྣ་ཚོགས་ཐབས་ཀྱིས་རེ་འབྲས་ཀུ་མུད་ཅིག་ཅར་བཞད། །གསང་གསུམ་ཡོན་ཏན་བྱེ་བའི་མངའ་བདག་གུས་པས་འདུད་དོ་བདག་སྐྱོངས་ཤིག ། རང་སྣང་རིག་པ་གདོད་ནས་ཡོངས་དག་རྒྱལ་ཀུན་ཐུགས་ཀྱི་ཆུ་གཏེར་ཆེ། །ཡོངས་སུ་བསྲུབས་ལས་མཁྱེན་རབ་མཆོག་ཉིད་དམར་སེར་དྷིཿཡིག་ཁམས་སུ་རྩེན། །འཁོར་འདས་ཡེ་དག་ཆོས་དབྱིངས་ཀློང་ན་མཁྱེན་གཉིས་ཡེ་ཤེས་རླབས་ཕྲེང་ངོམ།།

མངོན་པ་མཛོད་ གནས་བཞི་པའི་བར་གྱི་ གལ་ཆེ་བའི་ཚིགས་བཅད།

༄༅། །ཆོས་མངོན་པའི་མཛོད་ཀྱི་ཚིག་ལེའུར་བྱས་པ་བཞུགས།། རྒྱ་གར་སྐད་དུ། ཨ་བྷི་དྷརྨ་ཀོ་ཥཱ་ཀཱ་རི་ཀཱ། བོད་སྐད་དུ། ཆོས་མངོན་པའི་མཛོད་ཀྱི་ཚིག་ལེའུར་བྱས་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།།

སུམ་རྟགས་སི་ཏུའི་ཞལ་ལུང་།

༄༅། །ཡུལ་གངས་ཅན་གྱི་སྐད་ཀྱིས་བརྡ་སྤྲོད་པའི་བསྟན་

བཅོས་སུམ་ཅུ་པ་དང་རྟགས་ཀྱི་འཇུག་པའི་

རྣམ་བཤད་མཁས་མཆོག་སི་ཏུའི་

ཞལ་ལུང་ཞེས་བྱ་བ་

བཞུགས་སོ། །

༄༅༅། །ན་མོ་གུ་རུ་མཉྫུ་གྷོ་ཥཱ་ཡ། ཡོན་ཏན་མཆོག་མངའ་སླུ་མེད་རིན་ཆེན་གསུམ། །ཡེ་ཤེས་མེ་ལོང་གཙུག་ན་ཟླ་བ་དང༌། །རྟ་དབྱངས་བཙུན་པ་ཟླ་བ་སམྦྷོཊ། །ལ་སོགས་འཕགས་བོད་མཁས་པའི་ཚོགས་སྤྱི་དང༌། །ཁྱད་པར་དམ་ཆོས་འོ་མའི་རྒྱུན་བཟང་གིས། །མང་ཐོས་ལུང་གི་ལུས་སྟོབས་ཆེར་བསྐྱེད་ནས། །རྟོགས་པའི་བསམ་འཕེལ་ལག་རྩེར་སྨིན་མཛད་པའི། །དྲིན་ཅན་བླ་མའི་ཚོགས་ལ་གུས་བཏུད་ནས། །མིང་ཚིག་རིན་ཆེན་འབྱུང་གནས་སིནྡྷུའི་བདག །རིག་བྱེད་རྣམ་བཞི་”སྨྲ་¹བའི་ཉེར་”ལེན་²རྒྱུ། །བསླབ་གསུམ་མྱུ་གུ་སྐྱེད་བྱེད་རྒྱ་མཚོའི་གོས། །གང་དེ་མདོར་བསྡུས་ཚིག་གིས་བཤད་པར་བྱ།།

བྱང་ཤམྦྷ་ལའི་ངོས་འཛིན་བཀྲ་ཤིས་རྟགས་བརྒྱད།

བྱང་ཤམྦྷ་ལའི་ངོས་འཛིན་བཀྲ་ཤིས་རྟགས་བརྒྱད།

༈  ས་ལ་རིས་མོ་བྲིས་པས། །མཁའ་དབྱིངས་རྒྱུ་སྐར་དཀྱིལ་འཁོར། །མངོན་སུམ་ལམ་དུ་སྟོན་པའི། །དུས་ཀྱི་འཁོར་ལོས་སྐྱོངས་ཤིག། ཅེས་པའི་ཚིག་གི་མདུན་བསུས་ནས། དུས་ཀྱི་འཁོར་ལོ་དང་འབྲེལ་བའི་བྱང་ཤམྦྷ་ལའི་ངོས་འཛིན་གྱི་སྐོར་ཅུང་ཟད་བཤད་པ་ལ། ༡ཤམྦྷ་ལའི་སྐོར་ལ་ཞིབ་འཚོལ་བྱ་དགོས་དོན། ༢གཞུང་ལུགས་གང་ནས་གསུངས་པ། ༣མཁས་པའི་བཞེད་ཚུལ་ཐ་དད། ༤ བཞེད་ཚུལ་དེ་དག་མི་འཐད་པའི་རྒྱུ་མཚན། ༥ སྡུད་རྒྱུད་ཚིགས་བཅད་གཉིས་ཀྱི་འགྲེལ་བཤད་དང་འབྲེལ་བའི་ཤམྦྷ་ལའི་ངོ་སྤྲོད། ༦ ཆུ་བོ་ཤཱི་ཏཱའི་ངོས་འཛིན། ༧ཀ་ལ་པའི་གྲོང་ཁྱེར། ༨ དོགས་དཔྱོད་བཅས་བཀྲ་ཤིས་རྟགས་བརྒྱད་ཀྱི་སྒོ་ནས་ཞུ་རྒྱུ་ཡིན།

ཚངས་དབྱངས་རྒྱ་མཚོའི་གསུང་མགུར།

རྒྱལ་བ་ཚངས་དབྱངས་རྒྱ་མཚོའི་གསུང་མགུར། 

ཤར་ཕྱོགས་རི་ཡི་རྩེ་ནས། །དཀར་གསལ་ཟླ་བ་ཤར་བྱུང་།།

མ་སྐྱེས་ཨ་མའི་ཞལ་རས། །ཡིད་ལ་འཁོར་འཁོར་བྱས་བྱུང་།།༡

ན་ནིང་བཏབ་པའི་ལྗང་གཞོན། །ད་ལོ་སོག་མའི་ཕོན་ལྕོག།

ཕོ་གཞོན་རྒས་པའི་ལུས་པོ། །རྭ་ཅོའི་གཞུ་ལས་གྱོང་བ།།༢

རང་སེམས་སོང་བའི་མི་དེ། །གཏན་གྱི་མདུན་མར་བྱུང་ན།།

རྒྱ་མཚོའི་གཏིང་ནས་ནོར་བུ། །ལོན་པའི་ཚད་དང་མཉམ་བྱུང།།༣

གཡུས་སྒོའི་སྨན་བཅོས།

༡༽ ལ་དུག  ༢༽  ཚ་རིམས། ༣༽ ཚད་ནད། (malaria) ༤༽ བཤལ་ནད།   
༥༽ གྲང་གཞི། ༦༽ མིག་ནད། ༧༽ བསེ་ཤིང་། ༩༽ དུག་བཅོས།

༡༽ ལ་དུག

གོ་དོན། ལ་ཁར་འཛེགཔ་ད་ སྲོག་རླུང་མ་ལངས་པའི་དཀའ་ངལ་དང་། སྔོ་སྨན་གྱི་དྲིམ་མ་འཕྲོདཔ་ལས་བརྟེན་ཏེ་ཐོབ་པའི་ན་ཚ་གཅིག་ཨིན། དེ་ཡང་རྒྱ་མཚོའི་ཁོད་སྙོམས་ལས་ཕིཊ་༨༠༠༠བརྒལ་བའི་རི་དང་གངས་ལུ་འཛེགཔ་དང་ཐོབ་དོ་ཡོདཔ་ཨིན་མས།

ཐོབ་མི་གི་མི་ངོམ། སྤྱིར་བཏང་གིས་དམའ་སར་སྡོད་པའི་མི་དང་། ལྷག་པར་དུ་ གཟུགས་ཀྱི་སྟོབས་ཤུགས་མེདཔ། ཁྲག་ཤུགས་ཀྱི་ན་ཚ་ཡོད་མི། མགུ་ཡོམ་འཁོར་ནི་ལ་སོགས་པའི་ན་ཚ་ཡོད་མི་ཚུ་གིས་ཐོབ་དོ་ཡོདཔ་ཨིན་མས།

རྒྱུ་རྐྱེན། ས་ཁ་མཐོ་ས་ལུ་སྲོག་རླུང་ཉུང་ནི་འདི་གིས་ རང་ལུ་དགོ་པའི་སྲོག་རླུང་ལངམ་སྦེ་འཐོབ་མ་ཚུགསཔ་དང་། ཧེ་མ་ཚོར་མྱོང་མེད་པའི་སྔོ་སྨན་གྱི་དྲིམ་ཚུ་རང་ལུ་ཕོག་ནི་འདི་གིས་ཐོབ་དོ་ཡོདཔ་ཨིན་མས།

རྣམ་འཇོམས་མའི་བྱབ་ཁྲུས།

རྣམ་འཇོམས་མའི་བྱབ་ཁྲུས་ཉེས་པ་ཀུན་སེལ་ཞེས་བྱ་བ་བཞུགས་སོ།།   །།

༈ མཐུ་སྟོབས་རྡོ་རྗེ་དྲན་ཙམ་གྱིས། །གྲིབ་དང་ནད་གདོན་རྣམ་རྟོག་ཀུན། སྐད་ཅིག་ཉིད་ལ་འཇོམས་མཛད་པའི། །རྡོ་རྗེ་ཅན་ཞབས་པད་ལ་འདུད།། ཅེས་ལྷག་པའི་ལྷ་ལ་མཆོད་པར་བརྗོད་ནས། འདིར་གང་ལས་སུ་བྱ་བ་ནི། སྐྱེ་བོ་མཆོག་དམན་ཡོངས་ལ་ཕན་གདགས་པའི་སླད་དུ། རྡོ་རྗེ་རྣམ་པར་འཇོམས་པའི་སྒྲུབ་ཐབས་ཀྱི་སྒོ་ནས་བཀྲུ་བྱབ་བསྲུང་གསུམ་བྱ་བར་ འདོད་པས། ཐོག་མར་བུམ་པ་ཚད་ལྡན་ལ་རྒྱུན་བབ་ཀྱི་ཆུ་གཙང་བླུགས། ལྔ་ཚན་ལྔའི་བུམ་རྫས་བཏབ། རྨ་བྱའི་སྒྲོའི་ཆུན་པོོས་ཁ་བརྒྱན་ཅིང་དར་གྱིས་མགུལ་འཆིང་བཅས་བཀོད། འབུལ་གཏོར་དང་ཆ་གསུམ་བདག་བུམ་གཉིས་ཀྱི་མཆོད་པ་བདུན་ཚར་བཅས་བཤམས། རང་གི་མདུན་དུ་རྡོར་དྲིལ་གུ་ཡུངས་འཐོར་འབྲུ་བཅས་འདུ་བྱས་པའི་མཐར། རང་ཉིད་བདེ་བའི་གདན་ལ་བཞུགས་ནས། སྦྱོར་བ་སྐྱབས་འགྲོ་སེམས་བསྐྱེད་ནི། མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་ཆོས་ཀྱི་སྐུ་ལ་སྐྱབས་སུ་མཆིའོ།། བླ་མ་ལོངས་སྤྱོད་རྫོགས་པའི་སྐུ་ལ་སྐྱབས་སུ་མཆིའོ།། བླ་མ་ཐུགས་རྗེ་སྤྲུལ་པའི་སྐུ་ལ་སྐྱབས་སུ་མཆིའོ།། བླ་མ་སངས་རྒྱས་རིན་པོ་ཆེ་ལ་སྐྱབས་སུ་མཆིའོ།།

གསེར་སྐྱེམས།

༈ ཐོག་མར་སྐྱབས་གནས་མ་ནམ་བཞི་སྐོར་ནི། མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་ཆོས་ཀྱི་སྐུ་ལ་སྐྱབས་སུ་མཆིའོ།། བླ་མ་ལོངས་སྤྱོད་རྫོགས་པའི་སྐུ་ལ་སྐྱབས་སུ་མཆིའོ།། བླ་མ་ཐུགས་རྗེ་སྤྲུལ་པའི་སྐུ་ལ་སྐྱབས་སུ་མཆིའོ།། བླ་མ་སངས་རྒྱས་རིན་པོ་ཆེ་ལ་སྐྱབས་སུ་མཆིའོ།།