རང་ལུགས་འབྲུག་པའི་ལོ་གསར།

རང་ལུགས་འབྲུག་པའི་ལོ་གསར།

རང་ལུགས་འབྲུག་པའི་ལོ་གསར་གྱི་སྐོར་མདོར་བསྡུས་ཙམ་ཞིག་ཞུ་ན། དེ་ཡང་འབྲུག་ཡུལ་འདིར་ལོ་གསར་བརྩི་སྲོལ་མི་འདྲ་བ་ཁག་བདུན་ཙམ་འདུག་ལ། དེ་ཡང་དང་པ་འདི་སྤ་གྲོ་རྫོང་ཁག་ནང་གི་བྱག་འོག་སྐར་མ་ཉ་རུབ་ཀྱི་ལོ་གསར། གཉིས་པ་ཧཱ་དང་སྤ་གྲོ་ཆུ་ཁ་རྫོང་ཁག་རྣམས་ཀྱི་ལོ་འབག གསུམ་པ་འདི་དབང་འདུས། དར་དཀར། སྤུངས་ན་ཁ། ཐིམ་ཕུ་རྫོང་ཁག་རྣམས་ཀྱི་ཉི་ལོག་གི་ལོ་གསར། བཞི་པ་འདི་ཤར་ཕྱོགས་པའི་བཅུ་གཉིས་པའི་ལོ་གསར། ལྔ་པ་འདི་སྤྱི་ཡོངས་ཀྱི་ཟླ་བ་དང་པའི་ལོ་གསར། དྲུག་པ་འདི་སྐར་རྩིས་ལུགས་ཀྱི་ཟླ་བ་གསུམ་པའི་ལོ་གསར། བདུན་པ་འདི་ལྷོ་མཚམས་ཁག་གི་ད་ཤེ་རའི་ལོ་གསར་དང་བདུན་ནོ།

འཁྲུངས་སྐར་བཀྲ་ཤིས་སྨོན་ལམ།

འཁྲུངས་སྐར་བཀྲ་ཤིས་སྨོན་ལམ།

མཁྱེན་པའི་ཡོན་ཏན་མཁའ་ལྟར་རྒྱ་ཆེ་ཞིང་། །བརྩེ་བའི་ཟིམ་ཆར་ཕྱོགས་བཅུར་བབས་པ་དང་།།

མི༵་སེར་ཡོངས་ཀྱི་བསོད་ནམས་སྤྱི་མཐུན་ལས། །དབ༵ང་ཕྱུག་རྒྱལ་པོའི་མཚན་གྱིས་མངོན་མཐོ་ཞིང་།།

མང༵འ་འབངས་ཡོངས་ལ་བཀའ་དྲིན་ཟླ་མེད་པ། །བད༵ག་སོགས་འགྲོ་བའི་སྐྱབས་མགོན་ཁྱོད་ཉིད་ཡིན།།

སྐུ་ཚེ་འདི། ཡུན་ཏུ་བརྟན། མངའ་ཐང་ཡང་། དར་ཤིང་རྒྱས། ཕུན་ཚོགས་ཡུན་དུ་བརྟན་པའི་སྨོན་ལམ་ཞུ།།

འཇི༵གས་དང་འཚེ་བའི་མཐའ་དམག་མིང་ཙམ་ཡང་། །མེ༵ད་པར་ཐལ་བའི་རྡུལ་དུ་བརླགས་པ་དེ།།

སེ༵ང་གེས་གླང་ཆེན་མགོ་བོ་བགེམ་པ་དང་། །གེ༵་སར་ཧོར་དམག་ཐལ་བར་བརླགས་པ་བཞིན།། 

དབ༵ང་དང་སྟོབས་སོགས་སེམས་དཔའི་ཡོན་ཏན་གྱིས། །ཕྱུ༵ག་པ་ཁྱེད་ལ་འགྲན་གྱི་དོ་ཟླ་མེད།།

སྐུ་ཚེ་འདི། ཡུན་ཏུ་བརྟན། མངའ་ཐང་ཡང་། དར་ཤིང་རྒྱས། ཕུན་ཚོགས་ཡུན་དུ་བརྟན་པའི་སྨོན་ལམ་ཞུ།།

སྐུ༵་ཡི་མཚན་དཔེ་མི་ནུབ་དར་ཞིང་རྒྱས། །ཚེ༵་དང་བསོད་ནམས་གོང་ལས་གོང་དུ་འཕེལ།།

ཞབ༵ས་ཟུང་གང་དུ་བཀོད་པའི་འབྲུག་ཡུལ་འདི། །པ༵ད་མ་ལྟར་དུ་སྙན་གྲགས་ཡོངས་ལ་ཁྱབ།།

བརྟ༵ན་ཅིང་བརྗིད་པ་རི་བོའི་དཔལ་ལ་འགྲན། །འཁོར་བ་ཇི་སྲིད་བར་དུ་གནས་གྱུ༵ར་ཅི༵ག།

སྐུ་ཚེ་འདི། ཡུན་ཏུ་བརྟན། མངའ་ཐང་ཡང་། དར་ཤིང་རྒྱས། ཕུན་ཚོགས་ཡུན་དུ་བརྟན་པའི་སྨོན་ལམ་ཞུ།།

རྗེས་འཇུག་གི་དཀའ་གནད་དང་དོགས་དཔྱོད།

ཐུབ་བསྟན་དྲི་མ་མེད་པའི་བདུད་རྩིའི་ཆུས།།

འགྲོ་བའི་རྨོངས་པ་ཐ་དག་བཀྲུས་བྱས་ནས།།

བློ་གྲོས་རིན་ཆེན་རྒྱན་ཚོགས་སྦྱིན་མཛད་པའི།།

མི་ཕམ་པདྨ་དཁར་པོ་དེར་ཕྱག་འཚལ།།

སྐབས་འདིར་རྗེས་འཇུག་གི་ཇི་ལྟར་འཇུག་པའི་སྐོར་མདོར་བསྡུས་ཤིག་ཞུ་བ་ལ་། སྒྲའི་འཇུག་ཚུལ་དང་། དོན་གྱི་འཇུག་ཚུལ་གཉིས། དང་པོ་སྒྲའི་འཇུག་ཚུལ་ནི། ཕོ་གསུམ་རང་གི་འཇུག་ཡུལ་མིང་གཞི་སོགས་ལ་སྒྲ་དྲག་པའི་ཚུལ་གྱིས་འཇུག་ཅིང་ དེ་བཞིན་མོ་གཉིས་ཞན་པ་དང་། མ་ནིང་གསུམ་སྒྲ་རན་པའི་ཚུལ་གྱིས་འཇུག་པ་ནི་གཞུང་ནས་བཤད་པ་ལྟར་རོ།།

སྔོན་འཇུག་གི་ཅི་ཕྱིར་འཇུག་པའི་སྐབས་ཀྱི་དཀའ་གནད།

༈ ཐུབ་པའི་གསུང་ཟབ་དག་བྱེད་གཙང་མའི་རྒྱུན།།

བརྡ་དག་ཡུར་བའི་ལམ་ནས་འདྲེན་ནས་ནི།།

བྱང་དུ་བསྟན་པའི་ཆུ་གཏེར་བཀྱིལ་མཛད་པ།།

ཐུ་མི་ཀུན་བཟང་གང་དེ་རྒྱལ་གྱུར་ཅིག།

ཅེས་བརྗོད་ནས་སྐབས་འདིར་སྔོན་འཇུག་གི་ཅིའི་ཕྱིར་འཇུག་པའི་གཞུང་གི་དཀའ་གནད་མདོར་བསྡུས་ཤིག་ཞུ་བ་ལ།

༡ བྱ་བྱེད་ལས་གསུམ། ༢ བདག་གཞན་དུས་གསུམ། ༣ བདག་གཞན་ངོས་འཛིན་རེའུ་མིག ༤ དངོས་པོ་བདག་གཞན་སྐབས་ཀྱི་དངོས་པོའི་དོན། ༥ བྱེད་པ་པོ་གཞན་དང་དངོས་སུ་འབྲེལ་མ་འབྲེལ། ༦ བྱེད་པ་པོ་དང་བྱ་བའི་ཡུལ།    ༸ སྐབས་དོན་ཁོ་བོའི་ལུགས་ཀྱི་བདག་གཞན་ངོས་འཛིན་དཔེར་བརྗོད་དང་བཅས་བདུན་ནོ།།

བོད་ཡིག་གཏན་འབེབས་སྐོར།

༄༅།  །མཁྱེན་པའི་ཆུ་གཏེར་ཡངས་པའི་འཁྱོན་ལ་བརྩེ་བའི་འདབ་བརྒྱ་རྣམ་པར་རྒྱས།།

ནུས་པའི་རྩི་བཅུད་རོ་བརྒྱ་ལྡན་པས་སྐལ་བཟང་བུང་བའི་ཚོགས་སྐྱོང་བ།།

ཁ་བ་ཅན་ལ་བཀའ་དྲིན་ཟླ་མེད་ཐུ་མི་ཀུན་བཟང་ཁྱོད་ཉིད་དང་།།

དབྱེར་མེད་གདོད་ནས་མངོན་སངས་རྒྱས་མཛད་གཞོན་ནུ་འཇམ་དཔལ་དབྱངས་ལ་འདུད།།

ཅེས་གུས་པས་བཏུད་ནས་བོད་ཀྱི་ཡི་གེ་གཞན་ལ་འབེབས་བྱེད་ཚུལ་སྐོར་མདོར་ཙམ་གླེང་བ་ལ། ཐུ་མི་རང་གི་ཞལ་ནས། བརྒྱ་ཡིག་ལྔ་བཅུ་ཐམས་པ་དེ། །བོད་ཡིག་སུམ་ཅུར་གཏན་ལ་ཕབ།། ཅེས་གསུངས་པ་ལྟར་གྱི་གཏན་འབེབས་བྱས་ཟིན་པའི་གསལ་བྱེད་ཀྱི་ཡི་གེ་སུམ་ཅུའི་གྲངས་ལ་ནོར་འཁྲུལ་མེད་ཀྱང་། དེ་དག་གང་ནས་དཔེ་བླངས་པའི་གཞི་མ་རྒྱ་གར་གྱི་ཡི་གེ་དང་། ཡི་གེ་དེར་མེད་ཀྱང་བོད་ལ་ཉེ་བ་མཁོ་བའི་གསར་བསྣན་གྱི་ཡི་གེ་ལ་བོད་ཀྱི་ལོ་རྒྱུས་སྨྲ་བ་རྣམས་ཞལ་མི་མཐུན།།

སི་ཏུ་འགྲེལ་ཆེན་སུམ་ཅུ་པ།

༄༅།   །ཡུལ་གངས་ཅན་པའི་བརྡ་ཡང་དག་པར་སྦྱོར་བའི་བསྟན་བཅོས་ཀྱི་བྱེ་བྲག་

སུམ་ཅུ་པའི་གཞུང་གི་རྣམ་པར་བཤད་པ་མཁས་པའི་མགུལ་རྒྱན་མུ་ཏིག་ཕྲེང་མཛེས་

ཞེས་བྱ་བ་ བཞུགས་སོ།། 

༄༅།།གང་རིའི་ཁྲོད་ཀྱི་མཁས་པ་རྣམས།།སྨྲ་བའི་ངག་སྦྱོར་ལ་བརྟེན་ནས།།

དོན་གྱི་མཚན་ཉིད་རབ་གསལ་སླད།།བརྡའ་སྤྲོད་གཞུང་འདི་དགྲོལ་བར་བྱ།།

དཀའ་གནད་གསལ་བའི་མེ་ལོང་རྩ་འགྲེལ།

རྟགས་འཇུག་གི་སྙིང་པོ་དཀའ་གནད་གསལ་བའི་མེ་ལོང་གི་འགྲེལ་བ་ལེགས་བཤད་ཟླ་བའི་ཟེགས་མ།

རྩ་བ། དབྱངས་ཅན་གྲུབ་པའི་རྡོ་རྗེ། འགྲེལ་པ། རྨེ་གྲྭ་ཚེ་རིང་བསམ་གྲུབ།

མཆོད་བརྗོད་དང་རྩོམ་པར་དམ་བཅའ་བ།

༄༅།  གངས་ཅན་བརྡ་སྤྲོད་རིན་ཆེན་ཚོང་བརྡལ་གྱི་གླིང་ན། །དཔྱད་གསུམ་སྲང་ཁ་འཇལ་བའི་ཟླ་མེད་ཀྱི་སློབ་དཔོན། །ལེགས་བཤད་གདམས་པའི་རིན་ཆེན་གདུགས་དཀར་གྱི་གྲིབ་བསིལ། །བདག་བློའི་ཚ་གདུང་སེལ་བའི་གཉེན་པོ་རུ་གནང་རོགས། །མི་རྗེ་ལྷ་ཡི་སྲས་པོ་སྲོང་བཙན་གྱི་དུས་སུ། །ལྷ་གཅིག་འཇམ་དཔལ་གཞོན་ནུ་མི་གཟུགས་སུ་བྱོན་པ། །སེམས་ཀྱི་འགྱུར་ཁུགས་མཚོན་པའི་ངག་རིག་གི་བྱེད་པོ། །ཁྱོད་ཉིད་གདོང་དམར་འགྲོ་བའི་ས་མཁན་དུ་འཁུམས་སོ། །ཁ་བའི་མེ་ཏོག་འཛུམ་པའི་འཇིག་རྟེན་གྱི་ཁམས་འདིར། །མཛའ་གཅུགས་ཞགས་པས་བཅིངས་པའི་རང་རིགས་ཀྱི་སྤུན་ཟླ། །ཤེས་རིག་མཁའ་ཀློང་རིང་མོ་མྱུར་སྟབས་ཀྱིས་གཅོད་ན། །བརྡ་སྐད་གཤོག་ཟུང་རྒྱས་པ་ཐོག་མ་ཡི་ལས་སྐལ། །གཙུག་ལག་གཞུང་བརྒྱས་གཏམས་པའི་སྐྱེད་ཚལ་གྱི་ཐང་ཆེན། །སྣ་ཚོགས་ཤེས་བྱ་རིག་པའི་མེ་ཏོག་གི་ཚལ་ནས། །རྟོགས་དཀའ་རྟགས་ཀྱི་འཇུག་པའི་སྦྲང་རྩི་ཡི་རོ་མངར། །དོན་གཉེར་བུང་བ་དགྱེས་པའི་དགའ་སྟོན་དུ་སྩོལ་འདོད།།

དི་བ་ལི་གི་དུས་ཆེན།

དི་བ་ལི། ཟེར་མི་འདི་ལུ་ མིང་གཞན་དཱི་པ་བ་ལི་ཟེར་ཡང་སླབ་སྲོལ་ཡོདཔ་ཨིན། དེ་གི་དོན་འདི་ཡང་ དཀར་ཕྱོགས་ཀྱིས་ནག་ཕྱོགས་ལས་རྒྱལ་བའམ། སྒྲོན་མེ་གིས་མུན་པའི་སྨག་རུམ་ལས་རྒྱལ་བ་ཟེར་བའི་དོན་ཨིན། དུས་ཆེན་འདི་ རྒྱ་གར་རྒྱལ་ཡོངས་ཀྱི་ མི་སེར་དང་གཞུང་གི་ལཱ་འབད་མི། དེ་ལས་ཚོང་པ་ལ་སོགས་པ་ག་གིས་ཡང་བརྩི་སྲུང་ཞུ་དོ་ཡོདཔ་ཨིནམ་དང་།

དུས་ཚོད་འདི་དང་འཁྲིལ་ཏེ་ ཚོང་པ་ཚུ་གིས་ཚོང་རིགས་མང་ཤོ་གོང་ཚད་ཆག་ཡངས་ཐོག་ལས་བཙོང་དོ་ཡོདཔ་ལས་ ཚོང་ཉོ་ནི་གི་དང་འདོད་ཡོད་པ་ཅིན་ དུས་ཚོད་འདི་ཁར་ཉོ་བ་ཅིན་ཁེ་ཕན་སྦོམ་ཡོད།
དུས་ཅི་གི་དི་བ་ལི་དུས་ཚོད་འདི་(21-25/10/2014)ཚུན་ཚོད་ཉིནམ་ལྔ་གི་རིང་ལུ་ཨིནམ་དང་། དུས་ཆེན་གྱི་མཆོད་པ་ངོ་མ་འདི་གནམ་གང་གི་ཕྱི་རུ་(23/10/2014)ཉིནམ་འཛུལ་བའི་དུས་ཚོད་དང་འཁྲིལ་ཏེ་ལྷ་མོ་དཔལ་མོ་ལུ་མཆོད་པ་ཕུལ་ཏེ་རྩིས་སྲུང་ཞུཝ་ཨིན། 

གནམ་སའི་གསང་བའི་དཀར་ཆག

གནམ་སའི་གསང་བ་ཞེས་པའི་དེབ་ཀྱི་ནང་དོན་དཀར་ཆག་རགས་ཙམ།

སྔོན་དུ་འགྲོ་བའི་གཏམ།

དངོས་གཞི་འཇིག་རྟེན་གྱི་རྣམ་གཞག་ལ་དོན་ཚན་གསུམ་སྟེ། 

༡༽སའི་གོ་ལའི་རྣམ་གཞག་དང་། ༢༽ནམ་མཁའི་གོ་ལའི་རྣམ་གཞག ༣༽ནང་བཅུད་ཀྱི་སེམས་ཅན་ཀྱི་གནས་དང་ཚེ་ཚད་ཀྱི་ཁྱད་པར་བཅས་སོ།།

 ༼༡༽ ས་བཅད་དང་པོ་སའི་གོ་ལའི་རྣམ་གཞག།

སའི་གོ་ལའི་རྟེན་གཞི་ཤེས་པའི་ཆེད་དུ་འོག་གཞི་རླུང་གི་དཀྱིལ་འཁོར།

རྩ་བའི་ཚིག་འགྲེལ།

དེ་ལས་འཕྲོས་པའི་སྟོང་གསུམ་གྱི་འཇིག་རྟེན།

སྟོང་གསུམ་གྱི་འཇིག་རྟེན་ལས་དགུ་ཚིག་སྐྱ་མོ།

གྲོང་ཁྱེར་ཤམ་བྷ་ལ།

གྲོང་ཁྱེར་ཤམ་བྷ་ལ།

མཆན།   རྩའི་ཚིག་འགྲེལ་ཇི་མ་བྱི་བཞིན་འདིར་བྲིས་ཡོད། འདིའི་དོགས་དཔྱོད་དང་བཅས་པ་རྒྱས་པར་གཟིགས་འདོད་ན་ གནམ་སའི་གསང་བ་ཞེས་པའི་དེབ་དེར་གཟིགས་པར་ཞུ།

དེ་ཡང་དུས་འཁོར་བསྡུས་རྒྱུད་ལས། 

ཆང་དང་ལན་ཚྭའི་ཆུ་གཏེར་དབུས་སུ་ཐུབ་པ་ས་ཡི་དཀྱིལ་འཁོར་ལ་ནི་ལས་ས་ཡང་དག་གནས།།

དཔག་ཚད་འབུམ་ཕྲག་གསུམ་ལ་ཉི་མའི་དུམ་བུ་རྣམས་སུ་མི་ཡི་བདག་པོ་རིམ་པས་འཁོར་བར་འགྱུར།།

དུམ་བུ་གཅིག་ལ་དཔག་ཚད་སྟོང་ཕྲག་ཉི་ཤུ་ལྔ་སྟེ་ནོར་གྱི་འདབ་མ་དག་དང་བཅས་པ་འོ།།

དེ་ཡི་དབུས་ན་ཀཻ་ལ་ཤ་སྟེ་མཆོག་ཀྱི་གངས་རི་ཡིས་ནི་ཕྱོགས་རྣམས་ཀུན་ཏུ་བསྐོར་བ་འོ།། ༡༥༠ །།

ས་ལ་ཀཻ་ལ་ཤ་ཡི་དུམ་བུ་གངས་ཀྱི་རི་དང་བཅས་པ་དེ་ནི་ཀུན་ནས་སུམ་ཆ་སྟེ།།

ཕྱི་རོལ་དུ་ནི་འདབ་མ་རེ་རེ་དག་ཀྱང་ཉིན་བྱེད་ཡུལ་དང་གླིང་གི་ཡུལ་རྣམས་དག་གིས་བརྒྱན།།

གཡས་ཀྱི་ཕྱེད་ན་ཤམ་བྷ་ལར་གྲགས་ཐུབ་མཆོག་གི་གནས་གྲོང་ནི་བྱེ་བ་ལྷག་པར་གནས་པ་སྟེ།།

བྱེ་བའི་གྲོང་གིས་ངེས་པར་བཅིངས་པའི་ཡུལ་དུ་འགྱུར་ཏེ་རྒྱལ་ཁམས་གྲོང་ནི་འབུམ་ཕྲག་རྣམས་ཀྱིས་སོ།། ༡༥༡ །།

སྐར་ནག་རྩིས་ཀྱི་རིག་པ།

སྐར་ནག་དབྱངས་གསུམ་རྩིས་ཀྱི་དཀར་ཆག
སྐར་རྩིས།	ནག་རྩིས།	དབྱངས་འཆར།
སྐར་རྩིས་སྔོན་འགྲོ།	འབྱུང་རྩིས་སྔོན་འགྲོ།	རཱ་ཧུ་རྣམ་བརྒྱད་ལ་སོགས་པ།
ཟླ་ཐོ་ལྡེ་མིག	གཙོ་མ་གསེར་མདོག
ཞག་གསུམ་གྱི་རྣམ་གཞག	ཚེ་རབས་ལས་རྩིས་གསལ་བའི་མེ་ལོང་།	རྒྱ་གར་གྲུབ་རྩིས།
གཟའ་རྣམས་སྟོང་པར་འཇུག་ཚུལ།	སྐྱེས་རྩིས་ཚེ་རབས་ལས་རྩིས།	སའི་གོ་ལའི་ལེའུ།
གནམ་བྱཱ་དང་དགུན་གྱི་ཉིན་ལོག་གི་སྐོར།	སྐྱེས་རྩིས་ཀྱི་དཔེ།	དཔལ་ཁྱབ་འཇུག་གི་སྔོན་རབས།
ཉིན་མཚན་རིང་མཐུང་གི་སྐོར།	ཚེ་རབས་ལས་རྩིས་ཀྱི་འགྲེལ་བཤད་ཕྱོགས་བསྒྲིགས།
དུས་འཁོར་རྩོད་ལན་རིག་པའི་འོད་སྟོང་།	ཀེག་རྩིས་གསལ་བའི་སྒྲོན་མེ།
ཉི་ཟླ་གཟའ་འཛིན།	ཀེག་རྩིས་རྩ་འགྲེལ།
ལྷན་ཐབས་གསལ་བའི་སྒྲོན་མེ།	བག་རྩིས་ནམ་མཁའི་ནོར་བུ།
གདན་དུས་ཐུན་མོངས་ཀྱི་རྩིས་གཞིའི་རྣམ་བཤད།	མི་ཕམ་གཤིན་རྩིས།
གདན་དུས་ཐུན་མོངས་ཀྱི་རྩིས་གཞུང་ལྷན་ཐབས།	གཤིན་རྩིས་སྙིང་པོར་དྲིལ་བ་ཀུན་ཕན་ཉི་ཟེར།
དུས་ཀྱི་འཁོར་ལོའི་འཆད་ཐབས།	ལོ་བདག་ཞག་དུས་ཀྱི་ས་བདག
	སྐྱེས་རྩིས་ཀྱི་དཔེ།༼བུ་མོ་སངས་རྒྱས་ཆོས་འཛོམས།༽

སྤྱི་ཡོངས་དཀར་ཆག

ནང་གསེས་དཀར་ཆག
	གནམ་སའི་གསང་བ།
སྐར་ནག་རྩིས་ཀྱི་རིག་པ།	ནང་ཆོས།	རིག་གནས།
སྙན་ངག་གཞུང་ལུགས།	གནས་བཤད།	དུས་སྟོན་ལོ་རྒྱུས།
སྙན་རྩོམ།	སྣ་ཚོགས།	རྒྱལ་རབས་ལོ་རྒྱུས།